هاشمي: وسله والو طالبانو د فاریاب د شېرین تګاب ولسوال وژلی
د دغه ولایت د ولایتي شورا یوه غړي عبدالباقي هاشمي له ازادي راډیو سره په خبرو کې پېښه تأیید کړه او ویې ویل چې د شیرین تګاب ولسوال معلم سراج نن له غرمې وروسته د دولتاباد ولسوالۍ په ځنګل سیمه کې د میمنې او اندخوی ولسوالیو ترمنځ د وسلهوالو طالبانو له لوري وژل شوی دی.
ښاغلی هاشمي زیاتوي چې معلم سراج هره اوونۍ په پټه له شیرین تګاب ولسوالۍ د فاریاب اندخوی ولسوالۍ هغه ځای ته چې د ده کور پهکې و، تګ راتګ کاوه.
ښاغلی هاشمي وايي چې ده نن هم په یوه شخصي موټر کې حرکت کړی و چې په لاره کې وسلهوالو طالبانو ښکته کړی او وژلی دی.
تر اوسه د دغې پېښې مسؤلیت چا نهدی منلی.