ټېلرسن: امریکا په بریتانیا کې د سرګې سکریپال مسمومېدو په غوصه کړې
رکس ټېلرسن خبرداری ورکړ چې مسکو به یقیناً د دغې پېښې پر سر د متحدینو له غبرګون سره مخامخ شي.
ټېلرسن زیاته کړه چې موږ د بریتانیا پرتحقیقاتو او د هغې پرنتیجې چې وایي، روسیه د دغې پېښې ترشاه لاس لري، پوره ډاډمن یوو.
تېره اوونۍ د روسیې پخوانی جاسوس سرګې سکریپال او د هغه لور یولیا سکریپال د بریتانیا په سالیزبوري کې د اعصابو په فلج کېدونکي موادو مسموم شول چې دواړه تراوسه په روغتون کې تر درملنې لاندې دي او روغتیایي وضعیت یې خطرناک دی.
د ټېلرسن له دې څرګندونو څو ساعته مخکې د بریتانیا صدراعظمې تریزا مې وویل چې ډېر احتمال شته چې روسیه په دې پېښه کې ښکېله وي.