Соединетите Американски држави обвинија двајца кинески хакери за напади на компании нив цел свет, вклучително и на компании кои работат на развивање вакцини против ковид-19. САД обвинува дека хакерите тоа го правеле цела декада, а понекогаш и во соработка со владата.
Со обвинението, објавено денеска од Министерството за правда, исто така хакерите се обвинуваат и за напади на невладини организации, дисиденти и активисти за човекови права во САД и во Кина.
Обвинението доаѓа во исто време кога државниот секретар Мајк Помпео се состана со британскиот премиер Борис Џонсон. Тие разговарале за загриженоста за кинеските активности дома и во странство, вклучително и за кршењето на човековите права.
Помпео и Џонсон разговарле за Кина, 5Г и трговскиот договор
Американскиот помошник јавен обвинител Демон Дермис рече дека кинеските хакери главно биле насочени кон индустриите со потенцијал за раст во следната деценија. Хакерите напаѓале и компании кои работат на тестирање на вакцини поврзани со ковид-19, рече тој.
