ЕУ ќе ѝ помогне на Северна Македонија во борбата против коронавирусот со 66 милиони евра, информираше евроамбасадорот во земјава, Самуел Жбогар.
„Заедно сме во борбата против овој злобен вирус. Во ова тешко време, ЕУ ќе ја поддржи Северна Македонија со четири милиони евра за итни потреби, 50 милиони евра за социоекономско опоравување, девет милиони евра за приватниот сектор и три милиони евра директна поддршка за буџетот“, објави Жбогар на „Твитер“.
