Македонија поради специфичната геостратешката положба и мултиетничноста е секогаш под ризик од конкретен терористички акт, велат експертите. Од тие причини, тие сметаат дека определбата да влеземе во НАТО и ЕУ ќе значи поголема безбедност во рамките на еден глобален систем.
Американскиот претседател Доналд Трамп ќе се фокусира врз „надворешно политичките успеси“ за време на неговото обраќање пред Генералното собрание на Обединетите нации на 25 септември во Њујорк. Американската амбсадорка во ОН Ники Хејли изјави дека Трамп во своето второ обраќање пред Генералното собрание ќе зборува за градењето врски со земјите кои ги споделуваат американските интереси.
Шефот на руската дипломатија Сергеј Лавров денеска ќе ги посети Сараево и Бања Лука каде што ќе ја изрази приврзаноста на Русија на Дејтонскиата спогодба и ќе ги поддржи суверенитетот и територијалниот интегритет на БиХ. Лавров, според најавите од Белград, во Бања Лука би требало да разговара и со српскиот министер за надворешни работи Ивица Дачиќ.
Шефот на грчката дипломатија Никос Коѕијас уште еднаш го поздрави договорот за името со кој на Македонија и се отвора патот за зачленување во НАТО и Европската унија. „Историјата треба да е школо, а не затвор. Овој договор не носи надвор од затворот“, изјави Коѕијас по средбата со шефот на германската дипломатија Хајко Мас во Атина. Германскиот министер Мас оцени дека договорот претставува историска можност. „Се надевам дека овој историски договор ќе биде спроведен“, рече тој.
Меѓународниот монетарен фонд предупреди дека во сегашната трговска војна меѓу Соединетите Држави и Кина нема победници. Според ММФ, од клучно значење за глобалниот развој е двете страни да најдат заемно прифатливо решение.
Лидерот на ВМРО-ДПМНЕ Христијан Мицкоски на средбата со европратениците Едуард Кукан и Кнут Флекенштајн го повторил ставот дека неговата партија не може да го прифати Договорот со Грција зашто, како што рекол, е спротивен на македонските национални и државни интереси, а во иднина се отвора и можноста да биде искористен како правен механизам за блокада на македонските евероатлантски интеграции. Според ВМРО-ДПМНЕ, во текот на разговорите заедничка била костатацијата дека евроатлантската интеграција... Читать дальше...
По состанокот во Вашингтон со македонскиот премиер Зоран Заев, потпретседателот на САД Мајк Пенс на „твитер“ напиша дека Вашингтон дава силна поддршка на, како што нагласува, историскиот Договор со Грција. „Спроведувањето на овој Договор ќе обезбеди поголема сигурност во регионот, наведува Пенс. Премиерот Заев, на својата фејсбук страница, пренесува дека Пенс ги поздравил одговорноста и одлучноста при постигнувањето на Договорот. „На средбата беше истакнато дека со Договорот го обезбедуваме заслуженото место во евроатлантските структури. Читать дальше...
Во Македонија ќе биде сончево и топло, од пладневните часови со мала до умерена облачност. Ќе дува слаб до умерен претежно североисточен ветер. Дневната температура ќе се движи од 25 до 32 степена. Во Скопје и околината слично време со температура до 30 степени.
Премиерот Зоран Заев денеска во Вашингтон оствари средба со американскиот потпретседател Мајк Пенс. Заев на Пенс му порачал дека Македонија нема алтернатива за ЕУ и НАТО и оти останува во тесна соработка со САД во исполнување на стратешките цели. Пенс ја поздравил покажаната храброст и лидерство за постигнатиот договор за името.
