Улуттук статистика комитетинин маалыматына ылайык, аялдар бир суткалык убактысынын төрт саат 30 мүнөткө жакынын (19%) үй тиричилигине арнашат. Ал эми эркектер бир сааттан ашык (6,5%) убактысын коротушат. Ошондой эле аялдар балдарына жумасына эки саат, эркектер бир саат убакыт бөлөт.
Кыргызстанда 2019-жылы эркектердин орточо эмгек акысы 18 724 сомду, ал эми аялдардыкы 14 421 сомду түздү. Эркектердин жумушка орношуу (72%) деңгээли аялдардыкына (43%) караганда жогору. Аялдар өлкөдө негизинен кызмат көрсөтүү, тейлөө, саламаттык сактоо, билим берүү тармагында иштешет. Эркектер курулуш, тоо-кен, жүк ташуу, электр энергиясы тармагында эмгектенет. (TSh)
