"Бир дүйнө - Кыргызстан" укук коргоо уюму экстремизмге каршы күрөшүү боюнча жаңы мыйзам долбооруна анализ жасап, бир катар кемчиликтерди оңдоо өтүнүчү менен президент Садыр Жапаровго кайрылуу жолдоду. Уюм аталган мыйзам долбоору кабыл алынып калса айрым аныктамалар эки ача түшүндүрүлүп, адам укугунун бузулушуна алып келерин билдирген. Андыктан аныктамаларды тактап, керек болсо толук өзгөртүү керектигин белгилейт. Андан тышкары мыйзам долбоорунда бийликти сындаган маалымат каражаттарын жабууга жол ачкан жагдайлар бар экендигин айтат. Читать дальше...
Казакстандагы январдын башындагы окуяларга байланыштуу козголгон кылмыш иштердин саны 695ти түздү. Бул тууралуу өлкөнүн башкы прокурорунун улук жардамчысы Азамат Сергазин журналисттерге билдирди. “Оор жана орто оор кылмыштарга байланыштуу 695 иш боюнча сотко чейинки тергөө амалдары жүрүп жатат. Анын 44ү терроризм, 15и адам өлтүрүү, алтоо үгүт-насыят жана бийликти басып алууга чакырык таштоо фактысы боюнча. Шектүү катары 780 адам кармалган, анын 695ин камоого санкция берилген”,-деди Сергазин. ... Читать дальше...
Айыл чарба министрлиги былтыр жалпысынан 428,9 миң тонна эт өндүрүлгөнүн, бул мурдагы жылга караганда 2% көп экенин маалымдады. Мекеме мындай көрсөткүч өлкөдө мал-келдин санынын көбөйгөнү менен байланыштуу экенин белгиледи. Былтыр 1698,9 мин тонна сүт алынды жана бул 2020-жылдагы караганда 1,9% арбын. Соңку бир жылда өлкөдө эттин баасы 30-40% кымбаттады. Сүт азыктарынын баасы да көтөрүлдү. Улуттук статистика комитетинин акыркы маалыматына ылайык, Кыргызстанда 1,5 миллион бодо мал катталган. Читать дальше...
Жогорку Кеңештеги "Бүтүн Кыргызстан" фракциясынын депутаттары Адахан Мадумаров менен Исхак Масалиев Башкы прокуратурага сурак берип чыгышты. Мадумаровдун сурагы түштөн кийин кайра уланат. Мадумаров 17-январда ортодо тыныгуу менен бир күн кечке сурак берген. Ал 14-январда дагы суракта болгон. Масалиев өз каалоосу менен сурак бергени белгилүү болду. "Бүтүн Кыргызстан" партиясынын лидери 2009-жылы Коопсуздук кеңешинин катчысы кезинде кол койгон кыргыз-тажик чек арасы тууралуу протоколго байланыштуу күбө катары сурак берип жатат. Читать дальше...
Түркмөн бийлиги өлкөдө коронавирус бар экенин четке какканы менен, ишембиден тарта вируска байланыштуу толук локдаун жарыялады. Түркмөнстанда 15-январдан баштап коронавируска байланышкан чектөөлөр күчөтүлдү. Бирок бул тууралуу бир да расмий маалымат тараган эмес. Соода борборлору, базарлар, мейманкана жана дүкөндөр карантинге жабылганын башкалаа Ашхабаддын тургундары ишембиде эртең менен гана билишкен. "Мен үчүн бул күтүүсүз болду. Анткени шаардагы маданий-оюн зоок борборлору жума күнү кечке чейин иштеп жаткан, ишембиде баары жабылып калды.
Абдылас Малдыбаев атындагы опера жана балет театрында Кыргыз эл артисти, композитор Насыр Давлесовдун “Аста-секин колукту” опереттасы коюлду. Өткөн кылымдын 60-70-жылдары элге кеңири таанымал болгон оперетта бул жолу жаңы муундагы артисттер менен кайрадан сахнага кайтып келди.
Министрлер кабинети “Кумтөр Голд Компани” жабык акционердик коомунун убактылуу тышкы башкаруучусу Теңгиз Бөлтүрүктүн 2021-жылдагы иши тууралуу отчетун жактырды. Бул тууралуу өкмөттүн басма сөз кызматы кабарлады. Отчетко ылайык, былтыр 14 миң 561 килограмм алтын өндүрүлгөн. Ишкана жыл башынан бери салык жана милдеттүү төлөмдөргө 13,6 миллиард сом которгон. Мындан улам төлөм 150% көбөйгөн. Алтынды сатуудан түшкөн дүң кирише 856 миллион доллар болгон, анын 621 миллиону ишканага тышкы башкаруу киргизген учурда алынган. Читать дальше...
Бишкек шаарынын мэриясы борбор калаадагы административдик имараттардын тосмолору алынып жатканын билдирди. Мындай аракеттер борбордун эстетикалык көрүнүшүн жакшыртуу максатында көрүлүп жатканы айтылат. Мэрия мамлекеттик орган жана мекемелерден өз ыктыярлары менен тосмолорду алууну, жарандардан мыйзамсыз объектилер боюнча социалдык тармактар аркылуу кайрылууну өтүнөт. Бишкек мэриясынын маалыматына ылайык ушул убакытка чейин Бишкек мамлекеттик университетинин, Кыргыз мамлекеттик техникалык университетинин... Читать дальше...
Жогорку Кеңештин "Бүтүн Кыргызстан" фракциясынан депутат Исхак Масалиев Башкы прокуратурада сурак берип жатат. Бул тууралуу башкы көзөмөл органынын басма сөз кызматы билдирди. Башкы прокуратурадан билдиришкендей Масалиев кыргыз-тажик чек арасы боюнча суроолорго жооп берүүдө. Депутат, "Бүтүн Кыргызстан" фракциясынын лидери Адахан Мадумаров дагы Башкы прокуратурада сурак берип жатат. Ал 14-17-январда дагы суракта болгон. "Бүтүн Кыргызстан" партиясынын лидери 2009-жылы Коопсуздук кеңешинин катчысы... Читать дальше...
Бишкек шаарында 18-январдан тартып 16 мектеп жана бир бала бакча коронавируска байланыштуу жабылды. Бул тууралуу Бишкек мэриясынын билим берүү башкармалыгы билдирди. 16 мектептин 13ү мамлекеттик, үчөө жеке менчик мектеп. Андан тышкары мамлекеттик мектептердеги тогуз класс жана жеке менчик мектептердеги он класс таратылды. Бул мектептердеги окуучулар эки жума онлайн окуйт. Соңку бир күн ичинде Кыргызстанда коронавирус дагы 820 адамдан аныкталып, үч киши каза болду. Ооругандардын басымдуу бөлүгү Бишкек шаарынын тургундары (600 адам). Читать дальше...
Акыйткачы институту тажик күч органдары кармап кеткен Баткендин Лейлек районунун эки тургунун алып келүү тууралуу Башкы прокуратурага кайрылды. Мекеме тараткан маалыматта бул жарандарга байланыштуу алардын жакындары кайрылганы, тажик абактарында кармалып турушу кооптуу экенинин айтып арызданышканы айтылат. Маалыматка караганда, Лейлек районунун эки тургуну былтыр сентябрда кармалып, “чек арадан мыйзамсыз өткөн” деген айып коюлган. Сот алардын бирөөсүн 12, ал эми экинчисин эки жылга эркинен ажыраткан. Читать дальше...
Министрлер кабинетинин төрагасынын орун басары Арзыбек Кошошев Бишкектеги Ишкерлерди тейлөө борборунун ишин сынга алды. Өкмөттүн басма сөз кызматынын маалымдашынча, Кожошев бул жайга күтүүсүз текшерүүгө барганда кызматкерлердин теңине жакыны иш ордунда эмес экени аныкталган. Мындан улам "борбордогу тейлөөнү жакшыртууга бир апта убакыт берилди жана жумушуна кайдыгер мамиле кылган кызматкерлерге, жетекчилерге чара көрүлөрү эскертилди", деп айтылат маалыматта. Экономика жана финансы министрлигине... Читать дальше...
Соңку бир күндүн ичинде Кыргызстанда коронавирус дагы 820 адамдан аныкталып, үч киши каза болду. Ооругандардын басымдуу бөлүгү Бишкек шаарынын тургундары (600 адам). Ушуну менен өлкөдө ковид жуккандардын жалпы саны 191 миңден ашты, 2836 бейтап каза болду. Соңку бир күндө оору жуктуруп алгандардын 50 чактысы медицина кызматкерлери. Саламаттык сактоо министрлиги өткөн апатада коронавирустун "омикрон" штаммы катталганын, өлкөдө COVID-19дун төртүнчү толкуну башталганын билдирген жана оору кескин көбөйгөндүктөн Бишкек "кызыл зонага" кирген.
Бул тууралуу Жогорку Кеңештин мурдагы депутаты, Элдик кошуундар бирикмесинин төрагасы Данияр Тербишалиев “Фейсбуктагы” баракчасына жазды. Анда камактагы экс-депутат Бакытбек Калмамтовго байланыштуу сүйлөшүүгө чакырылганын билдирди. “УКМК иштебей жатат деп жатасыңар! Иштеп жатат! Саясий туткун - Бакытбек Калмаматовду колдоп, сотко катышып, билдирүү жазганыма эки-үч күн боло элек, сүйлөшүүгө чакырышты”,-деген билдирүү калтырды. Улуттук коопсуздук комитети (УКМК) азырынча буга байланышуу комментарий бере элек. Читать дальше...
Жогорку Кеңештеги "Бүтүн Кыргызстан" фракциясынын лидери, депутат Адахан Мадумаров Башкы прокуратурада сурак берип жатат. Бул тууралуу анын тарапташтары билдиришти. Мадумаров 17-январда бир күн кечке ортодо тыныгуу менен сурак берген. Ал 14-январда дагы суракта болгон. "Бүтүн Кыргызстан" партиясынын лидери 2009-жылы Коопсуздук кеңешинин катчысы кезинде кол койгон кыргыз-тажик чек арасы тууралуу протоколго байланыштуу күбө катары сурак берип жатат. Ал соңку окуяларды өзүнүн саясий ишмердиги менен байланыштырып... Читать дальше...
Казакстандагы кандуу башаламандыктан бери коңшу өлкөнүн туңгуч президенти Нурсултан Назарбаевдин кайда экени беймаалым. Ал ортодо орусиялык айрым маалымат каражаттары Назарбаев Кыргызстан аркылуу Бириккен Араб Эмирлигине чыгып кеткенин жазышууда. Кыргызстандагы расмий органдар мындай маалыматты ырастабай да, төгүндөбөй да жатат. Бирок «Азаттыктын» жеке булактары Алматыда кырдаал курчуп турганда Назарбаевдин иниси Болот үй-бүлөсү менен Кыргызстандын аймагы аркылуу четке чыгып кеткенин бышыктады. Читать дальше...
Дүйшөмбү күнү кечинде Киевдин Печерск райондук соту Украинанын мурдагы президенти Петро Порошенконун бөгөт чарасы 19-январда аныкталарын билдирди. Саясатчы 17-январда Варшавадан Киевдин Жуляны аэропортуна учуп келгенден кийин бөгөт чарасын аныктоо боюнча сотко катышты. Ал декабрдан бери Польшада жүргөн. Жогорку Раданын депутаты жана “Европа тилектештиги” оппозициялык партиясынын лидери Петро Порошенко мамлекеттик чыккынчылык кылууга айыпталып жатат. Ал 2014-2015-жылдары бийликте турганда Украинанын... Читать дальше...
Кыргызстандын 11 жараны Түштүк Кореяда жумушка кирип иштеп жатат. Бул тууралуу Эмгек, социалдык камсыздоо жана миграция министрлиги кабарлады. Мекеменин маалыматы боюнча, дагы 104 кыргызстандык санитардык-эпидемиологиялык талаптарды аткаргандан кийин Түштүк Кореяга иштегени учуп кетет. Алар үчүн Бишкек-Сеул багыты менен чартердик каттамдар уюштурулууда. Эмгек, социалдык камсыздоо жана миграция министри Кудайберген Базарбаев кыргызстандыктар Түштүк Кореянын Иш менен камсыз кылуу жана эмгек министрлиги... Читать дальше...
Кыргызстандын Малайзиядагы элчиси Азимбек Бекназаров 17-январда 2010-жылдагы июнь окуясы боюнча Башкы прокуратурада сурак берип чыкты. Бул маалыматты ал "Азаттыкка" ырастап, 18-январда да чакырылганын билдирди. Саясатчынын айтымында, ал Малайзиядан Кыргызстанга сурак бериш үчүн келди. "Азырынча эч нерсе деп айта албайм. Мен суралып да бүтө элекмин. Тергөө да аяктай элек", - деди Бекназаров. Бул иш боюнча 2021-жылдын аягында "Ата Мекен" партиясынын лидери Өмүрбек Текебаев, Улуттук коопсуздук... Читать дальше...
