Бишкекте дүйнөлүк Китеп күнүнө карата Улуттук китепканада “Китеп - адамзаттын рух азыгы” деп аталган көргөзмө ачылып, белгилүү акындардын ыры окулган поэзия кечеси да өтөт.
Уюштуруучулардын айтымында, иш-чара саат 11:00дө башталып, ага чакырылган коноктордон сырткары жөнөкөй окурмандар да катышса болот.
23-апрель - дүйнөлүк Китеп жана автордук укук күнү. Бул датаны ЮНЕСКО 1995-жылы бекиткен. Жергиликтүү эксперттер акыркы жылдары Кыргызстанда китеп окугандардын саны азайып баратканын айтып келишет. (TSh)