«Кыргызгидромет» борбору кабарлагандай, 6-апрелде көпчүлүк аймактарда жаан, тоолуу райондордо кар жаайт. Чүй, Талас, Ош, Жалал-Абад, Баткен облустарынын кээ бир райондорунда жана Ысык-Көл облусунун чыгышында жаан катуу жаашы мүмкүн.
Бийик тоолуу райондордо жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетет.
Абанын температурасы:
Чүй өрөөнүндө түнкүсүн 4…9, күндүз 12…17,
Талас жергесинде түнкүсүн 3…8, күндүз 12…17,
Баткен облусунда түнкүсүн 5…10, күндүз 14…19,
Ош, Жалал-Абад аймактарында түнкүсүн 6…11, күндүз 14…19,
Ысык-Көл дубанында түнкүсүн 2…7, күндүз 10…15,
Нарын облусунда түнкүсүн 0…5, күндүз 10…15 градус болот.
Бишкек шаарында мезгил-мезгили менен жаан жаайт. Батыштан соккон шамалдын ылдамдыгы секундасына 4-9 метрге жетет. Абанын түнкү төмөнкү температурасы 7…9°, күндүзгү жогорку температурасы 15…17° жылуу болот.
