Ирандагы теракттан 24 киши набыт болду (видео)
Ок сахна тараптан атылган. Терорчулар аскерий кийим кийип алып, элге ок чыгарган. Мамлекеттик маалымат каражаттары ок атууга исламдын радикалдуу такфиризм идеологиясынын тарапташтары жооптуу экенин айтышууда. Ошол эле учурда өздөрүн "Ислам мамлекети" деп атаган экстремисттик топ терактка жоопкерчилик алганы маалым болду, бирок алар азырынча эч кандай далил келтирген жок.
Үч согушкер ошол эле жерден атып өлтүрүлгөн. Төртүнчүсү ооруканада жатып, алган жараттарынан каза болгонун Ирандын куралдуу күчтөрүнүн басма сөз өкүлү Абдулфазл Шекарчи мамлекеттик телевидениеге сүйлөп жатып билдирди.
Ушундай эле аскерий параддар 22-сентябрда Ирандын бир катар шаарларында өтүп жатат. Алар сегиз жылга созулган Иран-Ирак согушунун аякташынын 30 жылдыгына арналган.