Ұлттық банк цифрлық теңге қай жерде міндетті болатынын хабарлады

Ұлттық банк Қаржы министрлігімен бірлесіп кейбір мемлекеттік шығыстар бойынша цифрлық теңгені міндетті түрде қолдануды регламенттеді. Бұл туралы Ұлттық банк төрағасы Тимур Сүлейменов мәлімдеді, деп хабарлайды Tengrinews.kz.
Ұлттық банк басшысының айтуынша, Қазақстанның қаржы секторын цифрландыру белсенді қарқынмен жалғасып жатыр.

"2026 жылдың 5 айында елдегі төлем айналымының көлемі 677 триллион теңгені құрады, төлемдердің 90 пайыздан астамы Ұлттық банктің төлем жүйелері арқылы өңделеді", - деді Сүлейменов бүгін Үкіметте.

Ол Қазақстанда Ұлттық цифрлық қаржылық инфрақұрылым құрылғанын атап өтті. Сондай-ақ цифрлық теңгені қолдану аясын кеңейту жалғасып жатыр.

"Қаржы министрлігімен бірлесіп, медициналық бұйымдарды, көлік құралдарын, ЖЖМ сатып алу және басқа да мемлекеттік шығыстардың бірқатар түрі бойынша цифрлық теңгені міндетті түрде қолдану регламенттелді", - деді Ұлттық банк басшысы.

Тимур Сүлейменов цифрлық теңгенің автожолдар құрылысы мен энергетикалық инфрақұрылымды жаңғыртуда, бюджеттік кредиттер беруде, шағын және орта бизнесті қолдауда, сондай-ақ салықтық әкімшілендіруде де қолданылатынын айтты.
Қазақстандағы цифрлық теңге
Цифрлық теңгені қолма-қол және қолма-қол ақшасыз нысандармен қатар ұлттық валютаның үшінші түрі деп атайды. Бұған дейін біз оның цифрлық теңгені токендер түрінде - қолма-қол теңгенің цифрлық баламасы ретінде болатынын, ал оның ерекшеліктерінің бірі төлемдерді "бағдарламалау" мүмкіндігі екенін егжей-тегжейлі айтқан болатынбыз.
Бұдан бұрын премьер-министр 100-ден астам ірі жобада цифрлық теңгені енгізуді жеделдетуді тапсырған болатын. Сол кезде цифрлық теңгенің негізгі артықшылықтары - қаражаттың қозғалысын қадағалауға және оның мақсатсыз пайдаланылуын болдырмауға мүмкіндік беретін бағдарламалануы мен таңбалануы екендігі атап өтілді.