Жұма күні Қазақстанның солтүстігі мен шығысында жаңбыр жауады
АСТАНА. ҚазАқпарат - 18 тамызда еліміздің басым бөлігі бұрынғысынша антициклонның ықпалында болады, сол себептен жауын-шашынсыз ауа райы сақталады. Солтүстік пен шығыста атмосфералық ағындардың өтуіне байланысты жаңбыр жауып, найзағай болады, бұршақ жаууы мүмкін, түнгі және таңертеңгі сағаттарда тұман бақыланады. Кей жерлерде желдің күшеюі күтіледі, деп хабарлайды Қазгидромет.