გენერალ სოლომონ ქუთათელაძის მკვლელობის საქმის გამოძიების ფარგლებში დაკავებული ბიზნესმენი გიორგი ჭანტურია გაათავისუფლეს. ინფორმაციას და ფოტოს IMEDINEWS.GE ავრცელებს. ჭანტურიამ ქვემო ქართლის პოლიციის დეპარტამენტი უკვე დატოვა. მისთვის ბრალი არ წარუდგენიათ. ჭანტურიას მედიასთან კომენტარი არ გაუკეთებია. ჭანტურიას უფლებადამცველის ინფორმაციით, მის წინააღმდეგ გამოძიებას არანაირი მტკიცებულება არ ჰქონდა. ალექსანდრე კობაიძე ამბობს, რომ მისი დაცვის ქვეშ მყოფი უახლოეს დღეებში გააკეთებს მედიასთან კომენტარს.
სასჯელაღსრულების მინისტრი კახა კახიშვილი საქართველოს მართლმადიდებელ მოქალაქეებს ნათლისღების დღესასწაულს სოციალური ქსელით ულოცავს. “გილოცავთ ნათლისღების დღესასწაულს! ნაკურთხი წყლის მადლი, ძალა და სიწმინდე არ მოგკლებოდეთ!”- ნათქვამია მინისტრის მილოცვის ტექსტში.
სოციალურმა ქსელმა ფეისბუკმა გაააქტიურა ბრიტანეთში ევროკავშირიდან გასვლის შესახებ რეფერენდუმზე რუსეთის სავარაუდო ჩარევის გამოძიება. ფეისბუკის უსაფრთხოების საკითხთა ექსპერტები განმეორებით გაანალიზებენ, მიმართა თუ არა რუსეთმა 2016 წლის რეფერენდუმის დროს რაიმე სახის მანიპულაციას. გასული წლის ნოემბერში კომპანია ფეისბუკმა გამოაცხადა, რომ ვერ ხედავს ბრექსიტზე რუსეთის მხრიდან გავლენის ნიშნებს, მაგრამ მომდევნო თვეში ამავე კომპანიამ აღიარა ასეთი მცდელობების არსებობა - კერძოდ, სანქტ-პეტერბურგში მოქმედმა სააგენტომ... Читать дальше...
ნატოს გენერალური მდივანი იენს სტოლტენბერგი მაკედონიას მოუწოდებს, მოაგვაროს თავისი სახელწოდების გარშემო საბერძნეთთან უთანხმოება და განახორციელოს რეფორმები, თუ ალიანსში გაწევრიანება სურს. სტოლტენბერგმა სკოპიეში, იუგოსლავიის ამ ყოფილი რესპუბლიკის პარლამენტში 18 იანვარს გამოსვლისას თქვა, რომ მიესალმება მაკედონიის მისწრაფებას ნატოში გაწევრიანებისაკენ, მაგრამ საჭიროდ მიიჩნევს ვითარების „რეალისტურად“ შეფასებას, რადგან ჯერ კიდევ ბევრი საქმე უნდა გაკეთდეს. ეს ეხება სახელწოდება „მაკედონიის“ გარშემო საბერძნეთთან დავასაც... Читать дальше...
ჩეჩნეთის ლიდერმა რამზან კადიროვმა „ნარკომანი“ უწოდა ავტორიტეტიანი უფლებადამცველი ორგანიზაციის, „მემორიალის“, გროზნოს განყოფილების უფროსს, ოიუბ ტიტიევს, რომელიც ჩეჩნეთში 9 იანვარს დააკავეს. კადიროვის გამონათქვამზე ცნობას ავრცელებს საიტი „კავკაზ. რეალიი“. 17 იანვრის საღამოს ტელეარხ „გროზნის“ ეთერში აჩვენეს ჩეჩნურენოვანი სიუჟეტი, რომელშიც კადიროვი ასევე ამბობს, რომ უფლებადამცველებს არც ეროვნება აქვთ და არც რელიგია და რომ მათ მხოლოდ გარკვეული ინტერესი ამოძრავებთ. კადიროვის თქმით, მას უკვირს, როცა ადამიანი... Читать дальше...
ბელგრადში ასობით ადამიანი შეიკრიბა კოსოვოელი სერბი პოლიტიკოსის, ოლივერ ივანოვიჩის დაკრძალვის ცერემონიაზე. ის 16 იანვარს კოსოვოში მოკლეს, რასაც რეგიონში დაძაბულობის გამწვავება მოჰყვა. დაკრძალვას დაესწრნენ სერბიის მთავრობის წევრებიც, მათ შორის პრემიერ-მინისტრი ადა ბრნაბიჩი. ხოლო სერბიის პრეზიდენტმა ალექსანდარ ვუჩიჩმა გამოაცხადა, რომ ივანოვიჩის ხსოვნას პატივს მიაგებს კვირის მიწურულს კოსოვოს ქალაქ მიტროვიცაში - იმ ადგილას, სადაც ის სიცოცხლეს გამოასალმეს. ვუჩიჩმა „ტერორისტული აქტი“ უწოდა ეთნიკურად სერბი პოლიტიკოსის მკვლელობას. Читать дальше...
რუსეთში არჩევნებზე დამკვირვებელი დამოუკიდებელი ჯგუფი სატელევიზიო ქსელებს - პირველ რიგში, სახელმწიფოს მფლობელობაში მყოფებს - ბრალს სდებს საარჩევნო კანონის დარღვევაში, პრეზიდენტ ვლადიმირ პუტინისთვის უფასო საარჩევნო კამპანიის უზრუნველყოფით. რუსეთში მარტში გაიმართება საპრეზიდენტო არჩევნები, რომელშიც, ფართოდ გავრცელებული ვარაუდით, ისევ პუტინი გაიმარჯვებს.
2018 წლის პირველი სექტემბრიდან თამბაქოს შეფუთვა ასეთი ფოტოებით გაფორმდება, რაც მწეველს მის მავნებლობაზე კიდევ ერთხელ ამცნობს. როგორც ცნობილია კოლოფზე გამოსახულების ზომა 30 დან 65 პროცენტამდე გაიზრდება, რაც უფრო ეფექტური იქნება აღსაქმელად და პრობლემის უკეთ გასაცნობიერებლად.
აგრარული სექტორი, ბოლო ორი წელია, არასახარბიელოდ ვითარდება – ამის შესახებ სოფლის მეურნეობის სამმართველოში 17 იანვარს, გაეროს განვითარების პროგრამის ფარგლებში, ფერმერებსა და მრჩეველთა საბჭოსთან გამართულ შეხვედრაზე იმსჯელეს.
ქუთაისში მოქმედი არასამთავრობო ორგანიზაციების წარმომადგენლებმა საქართველოს პრემიერ-მინისტრ გიორგი კვირიკაშვილს, იმერეთის გუბერნატორ გივი ჭიჭინაძესა და ქუთაისის მერს, გიორგი ჭიღვარიას, ღია წერილით მიმართეს.
18 იანვარს ეროვნულ-დემოკრატიულმა ინსტიტუტმა გამოაქვეყნა გამოკვლევა საზოგადოების განწყობის შესახებ, რომელიც რამდენიმე მნიშვნელოვან ტენდენციას გამოკვეთს როგორც პოლიტიკური მიმართულებით, ისე ქვეყანაში მიმდინარე სხვადასხვა მნიშვნელოვანი პროცესის მიმართ.
აშშ-ის პრეზიდენტად დონალდ ტრამპის ინაუგურაციიდან ერთი წლის თავზე მის მიმართ ამერიკელების მხარდაჭერა გაცილებით ნაკლებია, ვიდრე ტრამპის წინამორბედების შემთხვევაში იყო.
საერთაშორისო უფლებადამცველი ორგანიზაცია, "ჰიუმან რაიტს უოჩი", გასული წლის შემაჯამებელ ანგარიშს აქვეყნებს, რომელშიც სხვა ქვეყნებთან ერთად საქართველოს ვითარებაც გაანალიზებულია. ერთ-ერთი საკითხი, რომელზეც ანგარიში საუბრობს, ეხება საზოგადოებრივი მაუწყებლის ახალი მენეჯმენტის მიერ რადიო თავისუფლების ტელეგადაცემების დახურვას. საქართველოს შესახებ მთავარ, შემაჯამებელ აბზაცში ვკითხულობთ: "მმართველმა პარტიამ, ქართულმა ოცნებამ, 2017 წელს ნაჩქარევად, ფართო პოლიტიკური კონსენსუსის მიღწევის გარეშე დაამტკიცა კონსტიტუციური რეფორმები... Читать дальше...
დღევანდელი გადაცემის სტუმარია ხათუნა ლაგაზიძე - ექსპერტი, პოლიტიკური მიმომხილველი.
უკრაინის პარლამენტმა მიიღო კანონპროექტი, რომელიც განსაზღვრავს სახელმწიფო პოლიტიკას აღმოსავლეთ უკრაინაში სეპარატისტების კონტროლქვეშ მყოფ ტერიტორიაზე. კანონპროექტს, რომელიც აზრთა სხვაობას და საპროტესტო აქციებს იწვევს, 18 იანვარს მხარი დაუჭირა 280-მა პარლამენტარმა სულ 450-ადგილიან ვერხოვნა რადაში. პრეზიდენტი პეტრო პოროშენკო ემხრობა კანონპროექტს, რის გამოც მოსალოდნელია, რომ მას ხელს მოაწერს. ის ტვიტერში გამოეხმაურა პარლამენტში გამართულ კენჭისყრას - დაწერა, რომ გრძელდება მუშაობა პოლიტიკური და დიპლომატიური... Читать дальше...
რას ფიქრობთ ქართულ მედიაზე? - ამ კითხვით რადიო თავისუფლებამ გამვლელებს მიმართა.
დაბადების დღე ბავშვების უმთავრესი ზეიმია, დაბადების დღის ცენტრი კი ადგილი, სადაც ეს ზეიმი ნამდვილ დღესასწაულად უნდა იქცეს. ამას ცენტრებში ანიმატორები აღწევენ. თბილისში ათობით დაბადების დღის ცენტრია. მათ გასახსნელად სურვილის გარდა არაფერია საჭირო, არც ანიმატორს მოეთხოვება ბავშვთან ურთიერთობის გამოცდილება ჰქონდეს.
თურქეთი აცხადებს, რომ გეგმავს სამხედრო ინტერვენციას სირიაში მდებარე აფრინისა და მანბიჯის რეგიონებში საფრთხის გამო, რომელსაც ქმნიან აშშ-ის მხარდაჭერით მებრძოლი ქურთი მეომრები. თურქეთის საგარეო საქმეთა მინისტრმა მევლუთ ჩავუშოღლუმ 18 იანვარს გამოაცხადა, რომ ანკარაში კვლავაც „უნდობლობას“ იწვევს აშშ-ის მხარდაჭერა სირიელი ქურთების სამხედრო შენაერთებისადმი, რომლებიც თურქეთის სამხრეთ საზღვართან მოქმედებენ. ასევე ჩავუშოღლუს თქმით, ანკარა რუსეთთან და ირანთან მოახდენს კოორდინაციას სირიაში სამხედრო ოპერაციის მსვლელობაში. Читать дальше...
18 იანვარს ეროვნულ-დემოკრატიულმა ინსტიტუტმა (NDI) გამოაქვეყნა CRRC საქართველოს მიერ მომზადებული საზოგადოებრივი განწყობის კვლევის შედეგების პოლიტიკური ნაწილი. გამოკვლევა მთელი საქართველოს მასშტაბით 2017 წლის დეკემბერში ჩატარდა და მასში 2298-მა ადამიანმა მიიღო მონაწილეობა. გამოკვლევის თანახმად, „ქართულ ოცნებას“ ამომრჩეველთა 31 %-ის მხარდაჭერა აქვს, „ერთიან ნაციონალურ მოძრაობას“ – 10 %-ის, „ევროპულ საქართველოს“ – 4 %-ის, „პატრიოტთა ალიანსს“ კი - 3 %-ის. გამოკითხულთა 30 % აცხადებს, რომ არც ერთი პარტია არ დგას მის შეხედულებებთან ახლოს.
საქართველოს პარლამენტის თავმჯდომარის, ირაკლი კობახიძის განცხადებით, უკრაინაში ვიზიტისას გამართულ არცერთ შეხვედრაზე არ ყოფილა საუბარი ექს-პრეზიდენტის, მიხეილ სააკაშვილის ექსტრადიციის შესახებ. 18 იანვარს კიევში, უკრაინის პრემიერ-მინისტრთან, ვოლოდიმირ გროისმანთან შეხვედრის შემდეგ, ირაკლი კობახიძემ ქართველ ჟურნალისტებს განუცხადა, რომ ისაუბრეს ორი ქვეყნის პოლიტიკური და ეკონომიკური თანამშრომლობის საკითხებზე. რაც შეეხება მიხეილ სააკაშვილის შესაძლო ექსტრადიციას, ირაკლი კობახიძის თქმით, ეს საკითხი პოლიტიკური... Читать дальше...
საქართველოს პრეზიდენტმა გიორგი მარგველაშვილმა სამშობლოს დაცვისა და ერთიანობისთვის ბრძოლაში გამოჩენილი მამაცობის, გმირობის და თავდადებისთვის ვახტანგ გორგასლის I, II, III ხარისხის ორდენებითა და მედლებით, სიკვდილის შემდეგ, დააჯილდოვა აფხაზეთის ომში მონაწილე მებრძოლები. სამშობლოსათვის თავდადებული მებრძოლების ოჯახებისათვის სახელმწიფო ჯილდოების გადაცემის ცერემონია ვეტერანთა დეპარტამენტში გაიმართა. საქართველოს პრეზიდენტმა კიდევ ერთხელ გაიხსენა ის დამსახურება და თავდადება, რომელიც ქართველმა მებრძოლებმა გამოიჩინეს... Читать дальше...
აშშ-ის პრეზიდენტმა, დონალდ ტრამპმა დაასახელა ცრუ ინფორმაციის გავრცელებისთვის მის მიერ, ნოემბერში გამოცხადებული კონკურსის გამარჯვებულები. 18 იანვარს, პრეზიდენტმა ტრამპმა ტვიტერზე გამოაქვეყნა ჩამონათვალი, რომლის მიხედვით, პირველ სამეულში არიან გაზეთი „ნიუ-იორკ თაიმსი“ და ტელეკომპანიები, ABC News-ი და CNN-ი. დონალდ ტრამპმა „ნიუ-იორკ თაიმსს“ პირველი ადგილი მიაკუთვნა პრეზიდენტად მისი არჩევიდან მალევე გამოქვეყნებული სტატიისთვის, რომ ამერიკის ეკონომიკა ვეღარასდროს აღორძინდებოდა, ორი ამერიკული ტელეკომპანია... Читать дальше...
აშშ-ის სახელმწიფო მდივანმა, რექს ტილერსონმა განაცხადა, რომ ამერიკელი სამხედროები სირიაში დარჩებიან არა მხოლოდ ექსტრემისტებთან საბრძოლველად, არამედ პრეზიდენტ ბაშარ ასადის და მისი მოკავშირე ირანისთვის წინააღმდეგობის გასაწევად. 17 იანვარს, სტენფორდის უნივერსიტეტში გამოსვლისას, ტილერსონმა აღნიშნა, რომ აშშ-ის ამოცანაა არა მხოლოდ ექსტრემისტული დაჯგუფების, „ისლამური სახელმწიფოს“ განადგურება, არამედ სირიაში სტაბილური პირობების შექმნა საიმისოდ, რომ გაჩნდნენ ახალი ლიდერები, რომლებიც შეცვლიან საკუთარი ხალხის მკვლელს, ბაშარ ასადს. Читать дальше...
18 იანვარს რადიო თავისუფლების "დილის საუბრების" სტუმარი იყო გიორგი გოგია, "ჰიუმან რაიტს უოჩის" წარმომადგენელი სამხრეთ კავკასიაში. ხუთშაბათს გამოქვეყნდა "ჰიუმან რაიტს უოჩის" წლიური გლობალური ანგარიში. დოკუმენტის გამოქვეყნებამდე ცოტა ხნით ადრე გიორგი გოგიამ "დილის საუბრების" ეთერში ილაპარაკა გასული წლის ძირითად გამოწვევებზე და საქართველოს ნაწილზე. ანგარიშში ასახულია ვითარება მსოფლიოს 90-ზე მეტ ქვეყანაში და მოიცავს 2016 წლის ბოლოდან 2017 წლის ნოემბრამდე პერიოდს. ავტორები მთავარ გამოწვევად პოპულიზმს ასახელებენ. Читать дальше...
