Миллион гектар гергга хьун йогу Сибрех
Красноярск-махкахь оршоьтан Iуьйранна 102 цIеяйархойн тоба яра йогу 652 гектар хьун кIелхьаръяккха араяьлла. Иркутск-махкахь болхбо 100 тобано йогучу 262 гектара тIехь.
Урхаллаша бахарехь, церан тергонехь ю йогуш лаьтта массо а меттигаш. ЦIеяьхначу мехкашна гонахарчу кIошташкахь а йогу хьаннаш, амма уьш мелла а кIезиг ю.
Красноярскан махкахь хьаннаш ягарца доьзна, луларчу Кемеровохь кхайкхийна "Iаьржа стигал" олу хьал. Индустрин дакъош декхаредина кIуьр боккху белхаш ханна совцо. Болчу хаамашца, кIур хаало цIе йогучу меттигашна дуккха а генахь.
Хьалхо яьржинчу информацица а догIуш, Красноярскан махкахь кхузза гергга сов кIурз бу хIаваэхь. КIур баьржина луларчу Новосибирскан а, Томскан а мехкашкахула, хаало Хакасехь а.