Европан адамийн бакъонашкахула йолу кхел яьлла «Саидова а, кхиберш а Оьрсийчоьнна дуьхьал», «Темирбулатова а, кхиберш а Оьрсийчоьнна дуьхьал» девнаш листина. Иза толлуш яра Къилбаседа Кавказера 20 вахархо 2000-2006-чу шерашкахь доьза варна мел бехке ю пачхьалкх. Сацамо бахарехь, лаьцна вигинчу 20 кавказхочун конституцино луш йолу коьрта бакъонаш талхийна Оьрсийчоьно. Масала, террорхо хиларх шеко йолуш Москвахь лаьцна хилла цIера Дагестанера волу Саидов Салахь. Иза ХIинжа-ГIаларчу полице, цул тIаьхьа Соьлжа-ГIаларчу «ОРБ-2» декъе а вигина... Читать дальше...
Оьрсийчоьнан президента Путин Владимира шен омрица дIасахецна Къилбаседа Кавказан гIуллакхашкахула йолу министралла. Цуьнан функцеш дIаелла экономика кхиоран министралле, хаамбина Кремлан пресс-гIоьнчалло, даржийна РИА «Новости» агенталло. Хьалхо Маршо Радионо хаийтина ма-хиллара, Оьрсийчоьнан Инарла прокуроран дарж дуьтуш волчу Чайка Юрийга Къилбаседа Кавказан федералан гонан куьйгалхочун гIант кховдийна президента.
Даудов: дозанца дерг чекхдаьлла, Кадыров дIа ца воьду, Хьехамчийн кхеташо, Кхело кхузза бакъвинарг (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Гадаев Мохьмад-Салахь Генара кехат Вовшашна вай ца гун зама ю, алий, Вай бинчу бартана дагца шекьялий, Эрна ма йожалахь боккхачу бале – Шеконе диллинарг шеллуш ду, хьуна. Безамо кхохкийна, юьхь басо хуьйцуш, Мерзачу дешнашца матто дог дуьйцуш, КIайн дуьне дицдина, вовшашка хьуьйсуш, Вайша мел дийцинарг соьца ду, хьуна. Эшамаш бицбина, веха со вахарх, Зезагийн бошмашкахь заманаш яхарх, ХIуьрлаIа мехкарша суна гош бахарх – Хьуна бен сан дагахь меттиг бац, хьуна. РегIа малх тевжича... Читать дальше...
Оьрсийчоьнан Инарла прокуроран дарж дуьтуш волчу Чайка Юрийга Къилбаседа Кавказан федералан гонан куьйгалхочун гIант кховдийна, хаамбина президентан пресс-гIоьнчас Песков Дмитрийс. РИА "Новости" агенталло яздарехь, цкъачунна формалехь омра дина дац иза оцу дарже хаош. Хууш ма-хиллара, карарчу хенахь Къилбаседа Кавказан федералан гонан коьртехь ву Матовников Александр.
Кхаарин де тIехIоттале Оьрсийчоьнан президенто Конституцехь бечу хийцамех лаьцна хIоттийна проект зен а, хетарг довзийта а декхарейина Пачхьалкхан Думин комитеташ, дакъош, Федерацин кхеташо, Лакхара а, Конституцин а кхелаш, Ларамаш бен палата, регионашкара Iедал. И декхар тIедожийнарг ю Думин Кхеташо, хаамбо Iедалан «Ведомости» газето. Шинарин дийнахь журналисташ хаттар дира президентан Путинан пресс-гIоьнчига, стенца доьзна ду конституцехь хийцамаш беш оццул йоккха сихо эшар. Президентан лаамаш массарел а хьалха кхочуш беш хуьлу... Читать дальше...
Ша цкъа лайна бала кхечаьрга ца лайта гIерташ хьийза Иракъера Iабдул-ЗахIра Сабрин – Басрерчу берийн дарбан цIийнехь рак-цамгаро лаьцна Iохкучу кегийрхошца хан хьо цо.
Пачхьалкхан Реестрехь, дозанаш билгал а дохуш, тIегIагIдина даьлла Нохчийчуьрчу массо а яртийн, гIаланийн дозанаш, хаамбина Нохчийчоьнан Iедалан кхеташонехь мехкан парламентан спикеро Даудов Мохьмада. "Официалехь бертан кехаташ а хIиттош, доза къастийна ГIалгIайчоьнца, Къилбаседа ХIирийчоьнца. Барт кечбина Ставропол-махкаца. Дагестанца ду ялх кIоштан доза – уьш а девлла къастийна, Реестре даьхна. Вайн агIор цхьа а проблема яц», - аьлла Даудовс. Цул совнах, цо бахарехь, вовшашлахь дозанаш къастийна Нохчийчуьрчу 366 юьрто а, гIалано а. Читать дальше...
Дагестанан Лакхарчу кхело вердикт тIеэцна ши стаг верна, герз лелорна талламо бехкевен Сергокалан кIоштара Магомедшапиев Султан бакъвеш. 2013-чу шарахь некъаца лаьттачу кафе чохь, шена бевзаш боцчу нехан тойнах а кхетта, хан юкъайолале, цаьрца дов а эккхийтина, тапча етташ ши стаг вийна, кхоалгIаниг вен а гIиртина Магомедшапиев, боху талламо. Цо кхоалгIачунна хьажийна тапча ца яьлла, сакъоьруш Iечара иза эццахь лаьцна, боху талламчийн тоьшаллаша. Дов шозза теллина бехккъасторхойн коллегеша – 2015-чуй, 2017-чуй шерашкахь. Читать дальше...
"Эхо Кавказа" порталан авторан Акиев Тимуран материал Наьсарарчу гIалгIайн "Мемориалан" офисах цIе тесна шо даьлла, амма хIетте а аьтто ца баьлла оцу зуламна бехкенаш гучубаьхна, кхеле хIитто. Маршо Радион "Эхо Кавказа" сервисо билгалдоккху, ГIалгIайчоьнан куьйгалхо лаьттинчу Евкуров Юнус-Бека гIуллакх таллар шен куьгакIел латтор ду аьлла, йинчу чIагIоно а пайда ца беара аьлла. 2018-чу шеран Дечкен-беттан 17-чу буса туьтмIаьжгаш йоьхкинчу шина стеган аьтто баьллера, "Мемориал" офисан кор а дохош, хIусамчохь цIе а тесна, къайлавала. Читать дальше...
Гадаев Мохьмад-Салахь Б-те Къаналлин къоьжачу регIан буьххьера Къоналлин тогIешка хьоьжуш со Iа. Дахкарх чекх малх санна, хенан кIоргера Леллачийн сурт хIутту, деллалой, схьа. Къаьсттина къегаш го суьйренан суьрташ: Эшаршца бирзина балхара нах, Iоьхуш цIа хьаьлхинчу хьайбанийн гурташ, Малх-нуьро лепайо момсаран ах. Шовданийн кортошка кIентий гуллора. Забарийн, ловзарийн гIоттура гIов. Мехкарша (къайлаха) хиш Iенадора, Шовдане бийлар шайн далийта сов. Читать дальше...
Гадаев Мохьмад-Салахь Ши лаам Ши лаам кхехка, Ши лаам кхехка: Цхьаммо дегIах герзаш доьхку, Вукхо лаьттан чкъоьрнаш оьхку. Цаьршиммо а цхьанхьа хоьхку Шайн и чехка ойланаш. Ши лаам кхехка, Ши лаам кхехка: Цхьаммо мостагIчунна кхуьйсу, Вукхо Iаламашца къуьйсу. Цаьршиммо а чабол* туьйсу, Бохуш баккхий толамаш. Ши лаам кхехка, Ши лаам кхехка: Цхьаммо дуьйцу хилларг дера, Вукхо хиндерг дуьйцу шера. Цаьршиммо а хIинцалера Керла адам ду кхиош. Ши лаам кхехка, Ши лаам кхехка: Бекхамечу дераллица... Читать дальше...
ГIажарийчоьнан бахаман авиацин куьйгалло шолгIа довзийтар арахецна Украинан «Боинг» дохорах лаьцна. Документо бахарехь, Оьрсийчоьно арахецначу "Toр-M1" комплексца «латта-хIаваъ» кепара ракета тоьхна дохийна кема. Оцу хьокъехь яздо Bloomberg-о. Украинан «Боинг» кеманна ши ракета тоьхна Тегеран гIалин къилбаседа декъехьара, боху гIажаройн Iедало. Кема ирхдаьлла 6 минот яьлча дина цунна тохар, иза радарашна гучуьра а даьлла, некъах а тилла, нах бехачу куьпал дехьа, футболан майда юьстах а юьтуш, чудоьжна есачу меттехь. Читать дальше...
Белхан рожехь къахьоьгу хьехамчийн кхеташо кхоьллина шена шен деца болхбинчу ветеранех Нохчийчоьнан куьйгалхочо Кадыров Рамзана. Иза ша хир ву цуьнан коьртехь. Оцу хьокъехь хаам баржийна РИА "Новости" агенталло. "Консультацийн кхеташо кхоьллина Нохчийчоьнан куьйгалхочун гонехь, цунна юкъагIур бу хьалха мехкан а, кIоштийн а куьйгаллехь Iийна нах», - билгалдоккху Кадыровн пресс-гIоьнчалло. Хаамо бахарехь, Iедална мехкан экономика, политика, юкъараллин гIуллакхаш дIакхехьа некъаш хьоьхур бу кхеташоно... Читать дальше...
Ша кхечу дарже хIоттаво бохург эладита ду, бакъ дац, аьлла Нохчийчоьнан куьйгалхочо Кадыров Рамзана, хаамбо «Грозный» телеканало. Хьалхо "Кавказ.Реалиино" яздина ма-хиллара, Нохчийчуьрчу Iедалан сайто зорбане даьккхира Кадыровс ша «могуш воцчу юкъанна» шен декхарш премьере Хучиев Муслиме дIадаларх долу омра. Кадыров дарба леладойтуш ву шена, хаамбира хIетахь мехкан куьйгалхочун пресс-гIоьнчас Керимов Iаьлвис. Ткъа оцу юкъанна «КIиранан аргументаш» портало даржийра, Оьрсийчоьнан президентан векал хир ву боху Кадыровх, аьлла. Читать дальше...