Новости за 12.10.2018

Соьлжа-ГIаларчу кафечохь кхачанах дIавш даьллачийн терахь кхуьш ду. Керлачу хаамца дахначу кхааридийнахь дуьйнна 17 стаг ву дарбан хIусаме валийнарг, хаамбо ТАСС агенталло, могушаллин министраллан информацех пайда а эцна. "Соьлжа-ГIаларчу инфекцийн лазарийн центре кхачийна 17 стаг. Шахьаран кафечохь котам йиинчул тIаьхьа, чуьйрашкахь лазарш хааделла хилла царна. ПIераскандийнахь 12 сахьт даьллачу хенахь валийна дарбан цIийне 17-гIа лазархо", - аьлла, билгалдаьккхина министралло. Ишта цара даредарца... Читать дальше...

Владимир гIаларчу лоьмар 3 йолчу набахте шаьш дехьадахарна дуьхьал бевллачу "Владимирскан централ" олучу набахтерчу 20 тутмакхо шайн пхенаш хедийна. Фейсбукерчу шен агIонехь хаамбина цунах Петарбухарчу адамийн бакъонашкахьа йолчу комитетан куьйгалхочо Пантелеев Бориса.  Бакъонашлаъярхочо дийцарехь, регионехь "къизаллийн колони" аьлла, цIеяхначу набахтехь хан такхийта шаьш дехьадохий хиъначул тIаьхьа, дуьхьалонан протест йина хилла тутмакхаша. Лецначийн гергарчара чIагIдарца, лоьмар 3 йолчу колонехь хан токхурш хьийзабо, етта, бойу. Читать дальше...

Нохчийчоьнна а, ГIалгIайчоьнна а юкъарчу дозанах сихаллехь куьйгашяздина, некъаш тIехь болийна белхаш бахьана долуш иккхинчу конфликтна юккъехула. Делахь а ша документ кечдина дикка хан яра, Москох юкъахь а йоцуш аьлла, дIахьедина РБК агенталлана еллачу интервьюхь гIалгIайн куьйгалхочо Евкуров Юнус-Бека. Цо бахарехь, тоххара дуьйнна (шарахь цкъа хуьлучу цхьанакхетарехь) Нохчийчоьнан куьйгалхочуьнца Кадыров Рамзанца оцу хаттарх къамелаш хуьлуш дара цуьнан. Ткъа тIаьххьара хилла дийцарш долийра, Нохчийчоьнца... Читать дальше...

"Адамашна шайн кортош меттабало таро луш йолу", уьш политиках "нийса кхетош" йолу набахтеш шайн махкахь хиларх дуьххьара даредина Китайн куьйгалло. Оцу набахтех лаьцна леткъамаш баржо буьйлабелла кху муьрехь Китайра оппозиционераш. Царех чекхваьлла хила тарло миллион гергга стаг.

Зобова Светлана "Кадыров Ахьмадан фонд" комаьрша, къинхетаме гIоьнча санна евза Нохчийчохь: сагIадан мехкада гIорасиз хилча, цунна ахчанца гIодо цуьнан нанас Айманис, Кадыровн фондан куьйгалхочо. Амма моттаргIанаш ю уьш - "Кавказ.Реалиин" журналисташа бинчу талламаша гойту, фондо дина бохуш дуьйцу дика гIуллакхаш Iедало лучу ахчанах деш дуйла. Прессе ладоьгIча, хетало, Нохчийчохь мел ден дика Кадыровн Ахьмадан цIарца лелачу фондо до, олий: ярташна - школаш, дарбан хIусамашна – оьшу гIирс, махканна – некъаш. Читать дальше...

Нохчийчоьне латтанаш дIадаларна дуьхьал ГIалгIайчохь хIоттийначу митингехь дакъалаьцначу шина вахархочунна дуьхьал бехкзуламан гIуллакхаш диллина аьлла, "Дождь" телеканалан эфирехь дIахьедина "ГIалгIайчоьнан гIортор" боламан куьйгалхочо Чемурзиев Бараха. Iедалан векалш аьшнашбар дуьхьалдаьккхина Мальсагов Мусана а, Ужахов Малсагна а. Жигархойн хIусамах хьовсур болуш бу полисхой. Байначу беттан 26-чохь латтанаш дIасалуш куьйгашяздира Нохчийчоьнан а, ГIалгIайчоьнан а куьйгалхоша. Ткъа карарчу беттан... Читать дальше...

Нохчийчьура 13 вахархо чуьйрийн лазаршца дарбан цIийне кхачорах хаамбира Маршо Радионо еаридийнахь, РЕН ТВ каналан хаамашна тIе а тевжина. Меттигерчу кафечохь котамах бина кхача биинчул тIаьхьа вон хиллера царна. Ду царлахь бераш а. Регионерчу могушаллин министраллан информацица, шеконашка эцна Соьлжа-ГIалара кафе дIа а къевлина, хилларг толлуш ду. Iетттош, йиънарг ца тайна 7 шарера 30 шаре кхаччалц болу нах кхачийнера Соьлжа-ГIаларчу инфекцин дарбан цIийне, яздина ТАСС агенталло а. Роспотребнадзоран тIаьххьарчу хаамашца... Читать дальше...

Коьртан хье лазийна Нохчийчуьрчу дарбан цIийне кхачийна 6 шо долу бер. Болчу хаамашца, кхааридийнахь Соьлжа-ГIаларчу цхьана берийн бешахь цунна тIехь Iуналла дан хIоттийначо йиттина хилла цу кIантана. Берийн бешарчу кхиорхочун бехк хиларан тоьшаллаш цкъачунна дац аьлла, комментари йитина "Кавказан узел" агенталле гIалин школазхойн департаменто. REGNUM агенталло масала даладо, стохка бIаьста Беной-Юьртахь цхьа шох ах шой долчу беран Iуналла дан лаьцначу зудчо етташ хилла хилар ша доладечу йоIанна. Читать дальше...

Дагестанера латархо Нурмагомедов Хьабиб вазвеш, шун хIоттийна Нохчийчоьнан куьйгалхочо Кадыров Рамзана Соьлжа-ГIалахь. "Еаридийнахь веанера иза со волчу хьошалгIа", - яздина мехкан куьйгалхочо шен Телеграм-каналехь. Цо билгалдаьккхина, цуьнца цхьанакхета "Ахмат" клубан тоьлла латархой а кхайкхинера ша аьлла. "Шахьаран мэро Закриев ИбрехIима Хьабибна "Соьлжа-ГIалин сий долу вахархо" аьллачу цIарца совгIат дар дIакхайкхийра. Сан омраца цуьнан дена, Нурмагомедов Iабдулманапна "Нохчийчоьнан спортан  хьакъволу белхахо" аьлла сийлахь цIе елла"... Читать дальше...

Москохан транспорт чохь энергетикан хи чуьра банка шена улло хиинчу оьрсийн кIантана тIе а ластош, "Ахмат - Сила" аьллачу жимчу стагна гIалин урамаш цIандеш, зезагаш кхиош, болх белла Нохчийчоьнан куьйгалхочо Кадыров Рамзана. Iораяьккхина цуьнан цIе а. Шела кIоштара схьаваьлла Хасиев Турпал ву иза. Шегара даьллачунна дохковаьллачу цо видеокхайкхам зорбане биллинера, шена гечдар доьхуш махкахошка а, Кадыров Рамзане а.

Варшавехь депортацин набахтехь латточу нохчийн блогеро Абдурахманов Тумсос кхайкхамбина Полшин Iедалшка а, мухIажирийн гIуллакхаш луьстучу а, адамийн бакъонашкахула а болчу ООН-ан лакхарчу комиссарашка а ша Оьрсийчоьне дIа ца валийтар доьхуш. Ишта цо доьху шена а, шен доьзална а политикан тховкIело ялар. Кадыров Исламца конфликт хилла Абдурхаманов Тумсо 2015-чу шарахь дуьйнна Гуьржийчохь вара. Цара тховкIело ца еллачул тIаьхьа, Полше дехьаваьллера иза шен доьзалца. Маршо Радионо байначу баттахь яздира... Читать дальше...