Аԥсны ахада ақәҵара инапы аҵаиҩит Ауааԥсыра COVID-19 рацәыхьчаразы акоординациатә штаб аӡбамҭа шьаҭас иҟаҵаны.
Гәылрыԥшь араион аҵара аҟәша аиҳабы Дмитри Габлиа арадио Sputnik аефир аҟны еиҭеиҳәеит араион аҿы аҵарашықәс шхыркәшоу, иара убас ахәыҷбаҳчақәа рышәқәа анаадыртуа атәы.
Иаҳхысыз уахыки-ҽнаки рыла даҽа 51-ҩык Аԥсны ауааԥсыра акоронавирус амазааразы агәаҭара иахысит.
Гагра араион атуризми акурортқәеи рзы аусбарҭа аиҳабы Ахра Бганба арадио Sputnik аефир аҟны иҳәеит Ауааԥсыра акоронавирус рацәыхьчаразы аоперативтә штаб аҵыхәтәантәи аилатәараҟны иҟаҵаз ажәадгалақәа араион аҟны инхо гәахәарыла ирыдыркылеит ҳәа.
Аԥсуаа рдунеихәаԥшраҟны алахьынҵа, аџьал, аԥсаҭа, ахараҭ ртәы зҳәо згәаҭарақәак ҳадылгалоит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
Урыстәыла азакәан хадахь ариашарақәа ралагаларазы абжьыҭара ԥхынгәы 1 азы имҩаԥысраны иазгәаҭоуп Аԥсны иахьаҵанакуагьы. Аха Урыстәыла атәылауаа алшара рымоуп рашәара 25 инаркны рыбжьы арҭаларц.
Аҟәатәи ауараштә зауад аиҳабы Амра Ануаԥҳа арадио Sputnik аефир аҟны еиҭалҳәеит апандемиа иахҟьаны азауад аҟны аҭагылазаашьа зеиԥшроу, уи иҭрыжьуа аалыҵ ишаныԥшыз атәы.
АУН "Аӡыканал" аремонттә усурақәа мҩаԥнагараны иҟоуп Аҟәа, Лакобеи Ӡиӡариеи рымҩақәа рҟны, иара убас аӡыҭгага №2 аҟны.
Абжьыҭаразы аурнақәа ааргеит Аԥсны ААР ахыбрахь аусзуҩцәа русура иаԥмырҟьакәа абжьыҭара мҩаԥыргарц азы.
Аҳақьым Зураб Ачба иԥсҭазааратә мҩеи иуаҩышьеи ртәы арадио Spunik аефир аҟны еиҭеиҳәеит Ареспубликатә хәышәтәырҭа аҳақьым хада Аполлон Гәыргәылиа.
Афеида аиуразы закәаншьаҭадатәи анаплакра иақәҵахоит 50 -150 нызқьмааҭ рҟынӡа ахараԥса, мамазаргьы ҩышықәса инаркны хәышықәсанӡа ахақәиҭра алхәыдатәра.
