Аԥсны ахада иалхрақәа актәи ртур амҩасшьала иаҳҳәар ҳалшома аполитикатә культура ҽаԥарак иԥеит ҳәа? Абри азы игәаанагара иҳәеит арадио Sputnik Аԥсны аефир ала ицо адырраҭара "Коӷониаԥҳа лымҩаду" асас, Алхратә комиссиа хада алахәыла Гиви Габниа.
Аԥсны ахада иалхрақәа актәи ртур ҭынчрала иахьымҩасыз иаанагома аԥсуа политика ҽаԥарак иԥеит ҳәа, абри азы игәаанагара иҳәеит арадио Sputnik Аԥсны аефир ала ицо адырраҭара "Коӷониаԥҳа лымҩаду" асас, ауаажәларратә усзуҩ Октаи Ҷкотуа.
Аԥсуа жәлар ирымоуп хыԥхьаӡара рацәала аҭаацәара-қьабзтә ныҳәарақәа: ахацәа рныҳәара, хаҵа имцац аԥҳәызбацәа рныҳәара, ахәыҷқәа рныҳәара, аҭаца лныҳәара уҳәа егьырҭгьы. Урҭ аныҳәарақәа рҟынтәи иахьанӡа иааӡаз, еиқәхаз маҷым. Убас, Аҷандара ақыҭан уажәааигәа аҩнаҭа арԥарцәа анырныҳәоз иазку аматериал шәыдылгалоит Есма Ҭодуа.
Андреи Кириаков иконцерттә программа "Абалалаикақәа хԥа" Д.Гәлиа ихьӡ зху Гәылрыԥшь араион Акультуратә хан аҟны идырбан цәыббра 6 рзы. Ари аконцерт иара убас иалахәын аҭыԥантәи арҿиаратә гәыԥқәагьы.
Аҟәатәи амедицинатә коллеџь аиҳабы лхаҭыԥуаҩ Светлана Ломиаԥҳа еиҭалҳәеит рҵараиурҭа сынтәа ҿыц иҭалаз изыдҵаалоз иаҳа иарбан занааҭқәоу, насгьы афакультетқәа ахьынӡахарҭәаау.
Зыԥсаса зманы шьхатəылантəи илбааз, 250 хы ззану Џьгьарда ақыҭан инхо Аслан Кара-осман диҿцəажəеит ажурналист Сырма Ашəԥҳа.