«Шатлыгым эчемә сыймый» — Салават Фәтхетдиновны улы сөендергән
Салават Фәтхетдиновның улы Рөстәм Фәтхетдинов ралли-кросс буенча Россия чемпионатының өченче этабында өченче урын яулаган. Узышлар Санкт-Петербург шәһәрендә үткән. «16 позициядән пьедесталга күтәрелде. Ул финалда. Шатлыгым эчемә сыймый», — дип яза Салават Фәтхетдинов инстаграмга. Җырчыны сәхнәдәшләре һәм инстадуслары тәбрикли. «Татарның алдынгы спортчысы, йөзек кашы», «Улыгыз бик тырыш, сезгә охшаган. Чын герой. Сезнең белән без дә сөенәбез», «Чын йөрәктән котлыйбыз, Салават абый», «Исән-сау, хәвеф-хәтәрсез йөрергә язсын», — дип язалар.