8 июньдә Сабантуй бәйрәме Әлмәт районында узачак, ә икенче көнне бәйрәм шәһәрдә уза. Даталарны Республика Рәисе Рөстәм Миңнеханов раслады. Бу хакта туры эфир вакытында район башлыгы Тимур Нагуманов искәртте, дип яза «Татар-информ».
Спикер сүзләренчә, язгы кыр эшләрендә Әлмәт районы аграрийлары экваторны узды. Планлаштырылган мәйданнарның 58 проценты чәчелгән.
«Шәһәр халкының яраткан зур бәйрәме — Сабантуй, ул язгы кыр эшләренең тәмамлануын билгели торган сабан бәйрәме. Үзәк мәйдан традицион рәвештә кунакларны кабул итәчәк, шуңа күрә милли бәйрәм атмосферасына чуму өчен июньнең икенче ял көннәрен планлаштырырга мөмкин», — диде Нагуманов.
Массакүләм күңел ачулар, халык уеннары, концерт программасы - болар барысы да шәһәр халкын һәм кунакларын традицион рәвештә Үзәк майданда көтә. Җентекле программа бераз соңрак билгеле булачак, дип өстәде район башлыгы.
