Бүген кич һәм иртәгә Татарстанда һава шартларының начараюы көтелә. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.
Чәршәмбе кич, пәнҗешәмбе төнлә һәм көндез республика территориясендә урыны белән көнбатыш һәм төньяк-көнбатыштан көчле җил, аның тизлеге секундына 15-20 метрга кадәр (Казанда 9 майда көндез 15-18 метрга кадәр) була.
Бүген җилнең тизлеге 23 метрга җитәргә мөмкин.
Моннан тыш, 9 майда төбәк территориясендә төнлә һәм иртән туфракта 0..-5 градуска кадәр кырау (Татарстан башкаласында -1..-3 градус) көтелә.
