Татарстан Премьер-министры Алексей Песошин бүген Казан Кремлендә республика халкын бүләкләү тантанасы барышында «Идел-Пресс» полиграфия-нәшрият комплексы генераль директоры Әнәс Әскәровка II дәрәҗә «Ватан алдындагы хезмәтләре өчен» орден медален тапшырды.
«Идел-Пресс» полиграфия-нәшрият комплексы җитәкчесе Россия Президенты Владимир Путинның карары белән «ирешелгән хезмәт уңышлары һәм күпьеллык намуслы хезмәте өчен» бүләкләнде.
«Татар-информ» хәбәр иткәнчә, Татарстан Хөкүмәте башлыгы тантаналы чыгышында бүләкләнүчеләрне ирешелгәннәрдә тукталып калмаска өндәде. «Иң мөһиме, боларның барысы да безнең Туган илебезнең чәчәк атуы өчен хезмәт итә», - дип белдерде ул.
