د اګست پر ۳۱مه د پېښور، کراچۍ او اسلام اباد په ګډون د پاکستان په یوشمېر ښارونو کې سوداګرو د برېښنا په بلونو کې د زیاتوالي پرضد کاربندیز وکړ. نګران حکومت وايي، د بجلۍ د بلونو د بیو د ټیټولو لپاره د پیسو له نړیوال صندوق سره به خبرې کوي.
د پاکستان او هند په ګډون د نړۍ په يوشمېر هېوادونو کې په دې وروستيو کې د ډېرو بارانونو له کبله ځينو سيمو کې سېلابونه راغلي دي. که څه هم دې سېلابونو مالي تاوانونه اړولي خو د مرګژوبلې په اړه يې کره شمېرې نه ده ورکړل شوې. په دې اړه نور تفصیل د رويټرز او اې اېف پي خبري اژانسونونه په اقتباس په جوړ شوي دې ویډیويی راپور کې وګورئ. .
د دې اوونۍ د "هارون باچا هنري ګړۍ" خپرونې مېلمه د پېښور يو نوميالی شپېلۍ يا فلوټ غږوونکی بلال شفقت دی. نوموړی وايي، کورنۍ يې شاوخوا ۷۰ کاله مخکې له لاهوره پېښور ته کډه شوې ده. د شفقت د کورنۍ يوشمېر کسان بېلا بېل سازونه غږوي او شاګردان هم روزي. د شفقت په خبره، د سيمې له تقريباً ټولو نومياليو سندرغاړو سره يې په سټوډيو کې او يا هم پر سټيج په شپېلۍ همکاري کړې ده. دی دعوه کوي چې په تېرو ۲۵ کلونو کې يې د پښتو په سلګونه زره سندرو کې شپېلۍ غږولې. د نوموړي دا خبرې او غږولې ځينې نغمې يې په خپرونه کې اورېدای شئ.
له افغانستانه د امریکايي ځواکونو له وتلو دوه کاله وروسته هم د امریکا د افغانستان تر ټولو لوی مرسته کوونکی هېواد دی او ډاډ یې ورکړی چې خپلو مرستو ته به دوام ورکوي.
نجلۍ د اګست پر ۳۰مه نېټه د ودانۍ له پینځم پوړ څخه ځان وغورځاوه او مړه شوه.
په پاکستان کې د اګست ۳۰مې نيټه د لادرکه کسانو د نړيوالې ورځې په مناسبت مظاهرې شوې دي. په کراچۍ او اسلام اباد کې شویو دغو مظاهرو کې د لادرکه کسانو کورنیو د خپلو خپلوانو د موندلو او خوشې کولو غوښتنه کړې ده.
د پاکستان په سیند صوبه کې د تېر کال تر سېلابونو وروسته هلته د هیرټېج فاونډېشن په مرسته د سېلاب ځپلو لپاره ځانګړي کورونه جوړ کړل شوي دي. دا کورونه د سېلاب او ګرمۍ په پام کې نیولو سره جوړ شوي دي. نور تفصیل د رویټرز خبري اژانس په دې ویډیويي راپور کې.
