د نجیب الله همدرد پلار خواهش درلود چې زوی یې خبریال شي. هغه په شمالي وزیرستان کې خبریالي وکړه خو ترهګرۍ او غریبۍ مجبوره کړ چې پر لوړو زده کړو سربیره هم، په مزدورۍ پسې دوبۍ ته مسافر شي. د ورځني کار ترې خبریالي پاتې کړه خو د هنر شوق یې پاللی دی. د سندرو ويل هغه د پښتون ژغورنې غورځنګ د فعال غړي، ارمان لوڼي تر مرګ وروسته پيل کړل. همدرد په خپلو بچو پسې خفه دی خو د ليدو لپاره یې وطن ته ځکه نه شي تللی چې په دوبۍ کې یې د وېزې شرط دوه کاله پاتېدل دي. همدرد د خپل ژوند کیسه بشير ګواښ ته په دې ويډيو کې کړې... Читать дальше...
د طالبانو حکومت د اګست پر ۲۳مه سهار د هغو ۱۰۰ نجونو مخه ونيوله او هغوی يې د کابل له هوايي ډګره ستنې کړې، چې غوښتل یې په دوبۍ پوهنتون کې د زده کړو لپاره سفر وکړي.
دا تر هغې وروسته ده چې د روسیې د بیړنیو چارو وزارت وویل چې د واګنر ملېشې یوه شخصي جېټ الوتکه چې پکې د عملې درې غړو په ګډون ۱۰ کسان سپاره ول د اګست پر ۲۳مه د توېر سیمې په کوژېنکینو کې پرېوتې ده. الوتکه له مسکو څخه سېنټ پیټرزبرګ ته روانه وه چې د پېښې ښکار شوه.
د قرغیزستان په سیلانۍ سیمه چنکورچک کې هر کال د اګست په میاشت کې د کومېس ځانګړې مېله کېږي. کرغېزیان کومېس د اس شوملو (شړومبو) ته وايي او دا خپل ملي څښاک یا مشروب بولي. د مېلې منتظمین وايي، هلته له شاوخوا ۱،۵۰۰ کلونو راهیسې د اس شوملې جوړېږي. د اسوشيېټېډ پرېس اژانس له ویډیو جوړ رپورټ.
