AQŞ prezidenti Donald Tramp (Donald Trump) noyabrniñ 30-ında, Keriç boğazında ukrain arbiyler ve gemilerniñ Rusiye tarafından zapt etüvini tefsir etti. Tramp, Rusiye ve Ukraina Qara deñizde yüz bergen vaqiağa bağlı meseleni yaqın vaqıtta çezecegine ümütini bildirdi. Yapon baş naziri Sindzo Abenen (Shinzō Abe) körüşüv vaqtında jurnalistlerniñ suallerine cevap berip, Tramp, G20 sammitinde Vladimir Putinnen körüşüvniñ lâğu etilmesiniñ yekâne sebebi - noyabrniñ 25-inde Rusiyeniñ Qara deñizde Ukrainağa qarşı tecavuzı dep ayttı. Читать дальше...
Rusiye advokatı Nikolay Polozov, noyabr 25-inde Rusiye Keriç boğazında gemilernen beraber zapt etken, üç yaralı ukrain arbiyi Moskovada, “Matrosskaya tişina” SİZO arbiy hastahanesinde bulunğanını bildirdi. Bu aqta noyabr 30-ında advokat öz Facebook saifesinde yazdi. “Elimizde olğan malümatqa köre, 21 ukrain cenk esiri Moskovada “Lefortovo” SİZOsında” tutulmaqta dep qoştı o. Daa evel bunı Ukraina Yuqarı Radasınıñ insan aqları vekâletlisi Lüdmila Denisova haber etken edi. Daa evel Tış İşler naziri Pavlo Klimkim... Читать дальше...
Qurtarıcılar, noyabr 30-ında Keriçteki büyük mebel anbarındabaşlağan yanğınnı söndürdi dep bildire Qırımda rusiye FVN idaresiniñ matbuat hızmeti. “Yanğıncılarnıñ areketleri neticesinde saat 14:28 368 metr kvadrat mıntaqada açıq yanğın söndürildi. Yanğın sebeplerini ekspertler bilmege tırışa. Zaralanğan ve yaralanğanlar yoq”, - bildirile beyanatta. Müessiseniñ malümatına köre, yanğıncılar kelgen vaqıtta, binalarda adam olmadı. Keriçniñ merkezinde cuma künü, noyabrniñ 30-nda, Kokorin soqağındaki anbar binaları yanmağa başladı. Читать дальше...
Dekabrniñ 1-den 2-sinece Qırım evinde, "Qırım inciri” yarışını yekünlegen, “Qırım inciri” ilk ukrain-qırımtatar edebiy festivali keçirilecek. Teşkilciler, festival programmasında: kitap numayışı, muzakereker, yarişçılarnıñ eñ güzel eserleriniñ oqulması, belli yazıcı ve şairlerniñ çıqışları, kitap yarmalığı, ebebiy-muzıkalı performanslar ve yarış ğalipleriniñ mukâfatlavı bar dep bildire. Festivalniñ şanlı musafiri britan yazıcısı. kinorejissör, uquq qoruyıcı, televizion alıp barıcısı ve jurnalist Bidişa olacaq. Читать дальше...
Üç künlük yağmur ve qar Aqmescitte tolnıñ temelli tamirleviniñ iş cedveline biraz deñişmeler kirsetti
Keriçniñ merkezinde cuma künü, noyabrniñ 30-nda, Kokorin soqağındaki anbar binaları yanmağa başladı. Yerli kütleviy haber vastalarınıñ malümatına köre, politsiya adise yerini sarıp aldı, yanğınnı söndürmege tırışalar. Qırım.Aqiqat tafsilâtlı malümat almağa tırışa. «Kerç FM» saytı bildirgenine köre, şeer merkezinde tuman sırıq kibi köterile. Yanğan bina yanındaki «Novaya ploşçad» qurucılıq tükânına insanlarnı kirsetmeyler. Yol inspektsiyası Vokzalnoye şossesini naqliyatnıñ keçişi içün qapattı, dep bildire «Kerç – moy gorod» saytı. Читать дальше...
Ukraina Devlet sıñır hızmetiniñ yolbaşçısı Petro Tsigikal bildirdi ki, cenk vaziyeti devam etkence Ukrainağa 16 yaşından 60 yaşına qadar Rusiye erkek vatandaşları alınmaycaq. Bunı o, noyabrniñ 30-nda Ukraina prezidenti Petro Poroşenko reisligi altında cenk vaziyetini ilân etmek fermanı ve qanunını yerine ketirüv tedbirleri toplaşuvı vaqtında bildirdi. «Keçiş noqtalarında kontrol tedbirleri quvetleştirildi. Bugünki künde çetel vatandaşları, hususan Rusiye Federatsiyası vatandaşlarınıñ kirmesi sıñırlandı. Читать дальше...
Ukraina Azaq deñizindeki istilâ sebebinden Rusiye ile olğan tahminen 40 añlaşmanı lâğu etmege niyetlene. Bu aqta Ukraina Tış işler naziri Pavlo Klimkin 1+1 kanalında «Pravo na vladu» yayınında bildirdi. «Soñki vaqıt içinde 48 eki taraflı añlaşmanı «öldürdik», amma pek diqqatlı olmaq kerek, bu añlaşmalarnı «öldürsek», Ukraina vatandaşları zarar körmemeli. Nevbettekiler tez kelecek. Tahminen 40 añlaşma. Añlaşma bazamıznı ğayrıdan temelden baqamız», – dep qayd etti nazir. Pavlo Klimkin sentâbrniñ 21-nde bildirdi ki... Читать дальше...
Qara deñizde FSB tarafından tutılğan ve Aqmescitte apiske alınğan Ukraina arbiy deñizcileri Qırımdan Moskvadaki tahqiqat izolâtorından birine avuştırıla. Bu aqta Rusiyeniñ Qırım insan aqları vekâletlisi Lüdmila Lubinanıñ malümatına esaslanğan TASS haber agentligi bildire. «Taqım erkânı Moskvağa avuştırıla. Davalarnı baqacaq tahqiqatçılarımızdan, Moskva tahqiqatçılarından büyük gruppa quruldı», – dedi o. Daa evel Qırımtatar Milliy Meclisiniñ reis muavini Ahtem Çiygoz, zapt etilgen Ukraina askerleri Aqmescit SİZOsından çıqarıla... Читать дальше...
Olarnıñ Moskva SİZOsına avuştırılğanı belli oldı
2018 senesi okrtâbr 25-inden ilk sefer Brent cermayınıñ fiyatıbir varel içün 58 dollardan aşağı tüşti. Şimdi o bu seviyede tutıla. B aqta alış-veriş malümatınıñ esasında Radio Svobodanıñ rus hızmeti haber ete. Cermay fiyatı oktâbr başında tez tüşe. Daa keçken aynıñ başında Brentniñ fiyatı bir varel içün 82 dollardan yuqarı köterile edi. Eki aydan az keçti, amma fiyatnıñ üçten biri kesildi. Şimdiki fiyat tüşüvi soñki üç yıl devamında eñ tez oldı. 2014 senesinden - cermay eñ ücüz fiyatta olğanda... Читать дальше...
Apiske alınğan Ukraina deñiz askerlerine bütün Qırımdan yardım kele. İnsanlar aş, gigiyena eşyaları ve urba ketire. Çoqusı maddiy yardım köstere – noyabrniñ 29-ı sabağa qadar 210 biñ ruble toplandı. Faaller Aqmescit SİZOsına barıp bularnı bermege azırlanğanda deñizcilerni Moskvadaki «Lefortovo» izolâtorına avuştırdılar. Amma, faallerniñ qayd etkenine köre, yardım deñizcilerniñ bulunğan yerine baqmadan barıp çıqar. Keriç boğazında Rusiye mahsus hızmetleri tarafından açılğan ateşke oğrağan ve esir... Читать дальше...
Kremlde, AQŞ prezidenti Donald Tramp (Donald Trump) Rusiye prezidenti Vladimir Putinnen köşüvnilâğu etkeni aqqında resmiy beyanat almağanlarını bildireler dep haber ete rusiye habercileri. Rusiye prezidentiniñ matbuat kâtibi Dmitriy Peskov, Putin G-20 sammitinde iştirak etmek niyetini deñiştirmegenini beyan etti dep haber ete TASS agentligi. “Biz Argentinağa ketemiz. Şimdigece tek prezidentniñ Twitterde yazğanını kördik. Resmiy haberimiz yoq”, - Peskovnıñ sözlerinden yaza TASS. Putinniñ matbuat kâtibi aytqanına köre... Читать дальше...
