Qırımtatarı olğan ukrainalı yırcı Jamala qırımtatar milliy lideri, Ukraina Yuqarı Radasınıñ deputatı Mustafa Cemilevni noyabrniñ 13-nde Kyiv şeer devlet memuriyetiniñ Kolonnıy salonında keçirilgen tantanalı merasimde hayırladı. Qırım.Aqiqat mühbiriniñ malümatına köre, Jamala birinciler sırasında Mustafa Cemilevni hayırlap, «Meni ğamdan azat eyle» qırımtatar yırını icra etti. «Mustafa ağamıznı can-yürekten hayırlayım. Uzun-uzun ömürler tileyim. Bizni er daim quvandırsın», – dedi Jamala ve Mustafa Cemilevni quçaqladı. Читать дальше...
Ukraina prezidenti Petro Poroşenko Kyiv şeer devlet memuriyetiniñ Kolonnıy salonına şahsen kelip, noyabrniñ 13-nde 75 yaşını toldurğan qırımtatar halqınıñ lideri, Ukraina Yuqarı Radasınıñ deputatı, Ukraina prezidentiniñ qırımtatar halqı işlerinden vekâletlisi Mustafa Cemilevni hayırladı. Petro Poroşenko, Cemilevni Kyiv şeer devlet memuriyetinde keçirilgen tantanalı merasim vaqtında tebrikledi, dep bildire Qırım.Aqiqat mühbiri. Ukraina prezidenti, Mustafa Cemilevge Azatlıq Nişanını bererek, hayırlav sözüni aytıp... Читать дальше...
Qırımtatarı olğan ukrainalı yırcı Jamala qırımtatar milliy lideri Mustafa Cemilevni 75 yaş yubileyinen hayırlap, oña yır bağışladı. Kyiv şeer devlet memuriyetinde noyabrniñ 13-nde qırımtatar halqınıñ lideri, Ukraina Yuqarı Radasınıñ deputatı, Ukraina prezidentiniñ qırımtatar halqı işlerinden vekâletlisi Mustafa Cemilevniñ yubileyi munasebetinen tantanalı merasim keçirildi. Mustafa Cemilev, qırımtatar halqınıñ aqları oğrunda küreşip, halqınıñ ürmetini ve qırımtatar milliy lideri statusını qazandı.
«Veciye Kaşka davasınıñ» mabüsleri Bekir Degermenci, Ruslan Trubaç, Kâzim Ametov dekabrniñ 7-ne qadar nezaret altında qalacaqlar. Asan Çapuh ev apsinde bulunacaq. Bu aqta «Qırım birdemligi» cemaat birleşmesi haber ete. «Veciye Kaşka davası» mabüsleriniñ tuvğanları Kreml kontrolindeki Qırım Yuqarı mahkemesiniñ oturışuvına alınmadı. 2017 senesi noyabrniñ 23-nde Aqmescitte Rusiye telükesizlik hadimleri, Kâzim Ametov, Asan Çapuh, Ruslan Trubaç ve Bekir Degermencini tutıp aldı. Olar Türkiye vatandaşından para talap etüvde şeklene. Читать дальше...
Qırımnıñ işğalden qurtarılması ve evge qaytmam doğğan künümniñ eñ güzel ediyesi olur edi, dep ayta 75 yaşını qayd etken qırımtatar milliy lideri, Ukraina Yuqarı Radasınıñ deputatı Mustafa Cemilev. Qırımtatar halqınıñ liderini sabadan tuvğanları ve «Kestane» bala oyun ansambli halq yırları ve oyunlarınen tebrikledi. «Sabadan, elbette, siyasiy erbaplar hayırlamağa başladı, amma bu (qoranta hayırlavı – QA) – bam-başqa», – dep qayd etti Mustafa Cemilev. Ukraina prezidenti Petro Poroşenko da 75 yaşını toldurğan qırımtatar halqınıñ lideri... Читать дальше...
Ukraina prezidenti Petro Poroşenko, qırımtatar milliy lideri, Ukraina halq deputatı Mustafa Cemilevniñ 75 yaşını tebrikledi. Bu aqta prezidentniñ Facebooktaki resmiy saifesinde aytıla. Poroşenkonıñ qayd etkenine köre, Cemilev «Qırımnıñ qaytması içün küreşni qaldırmay». «Onıñ ruh küçüni ve çelik kibi tabiatını «sovetlerge qarşı baqışlarını tarqatqanı» içün yıllarnen devam etken taqip, basqı ve apisler sındırmadı. Mustafa şimdi de Qırımnıñ qaytması, Kreml esirleriniñ azat etilip, evge, Ukrainağa ait Qırımğa qaytması içün küreşni qaldırmay»... Читать дальше...
Noyabr 13-ünde, salı künü, Qırımnıñ kimer bölgelerinde qar qağdı. Süret ve videolarnı yerli sakinler içtimaiy ağlarda derc ete. Hususan, qar Bağçasaraynıñ özünde ve Bağçasaray rayonında yağdı. Eski Qırımda ise qar, maşnalar, yollar ve yol kenarlarına bir qaç santimetrlik qalınlıqta tüşti. Bundan ğayrı, gece Sudaqta ve Aqmescit rayonınıñ Mamut Sultan (Dobroye) köyünde yağğanı haber etile. Qırım dağlarında ilk qar daa oktâbr 26 künü yağdı. O vaqıt Ay-Petride 2 santimetrlik qarnıñ örtüsi peyda oldı.
Qırım müftiliginiñ şimdiki erkânı tamamen Qırımdaki Rusiye akimiyetiniñ kontroli altında buluna – Ümerov
Qırımtatarlarnıñ milliy lideri Mustafa Cemilev – eñ meşur sovet dissidentlerinden biridir. Cemilevniñ qırımtatar halqınıñ aqları oğrunda küreşi on yıllarnen devam ete. Sovetler akimiyeti onı yedi kere mahküm etken edi. Ayatı boyunca o, 15 yıl apiste yattı. Apis cezalarından biri vaqtında 303 kün açlıq tuttı. Bu narazılıq tarihta eñ uzun dep sayıla. Qırım.Aqiqat, qırımtatarlar Cemilevni efsane olaraq sayğanlarınıñ ve Qırımğa qaytmasını beklegenleriniñ sebeplerini añlata.
Qırımtatar milliy lideri, Ukraina Yuqarı Radasınıñ deputatı, Ukraina prezidentiniñ qırımtatar halqı işlerinden vekâletlisi Mustafa Cemilev noyabrniñ 13-nde 75 yaşını qayd ete. Kyiv şeer Devlet memuriyetinde Cemilevniñ yubileyi munasebetinen tantanalı merasim planlaştırıla. Mustafa Cemilev 75 yaş yubileyi arfesinde Rusiye ve Qırımda siyasiy sebeplerden tutulğan qırımlılarnıñ balalarına yardım etmege çağırğan edi. Mustafa Cemilev, qırımtatar halqınıñ aqları oğrunda küreşip, halqınıñ ürmetini ve qırımtatar milliy lideri statusını qazandı. Читать дальше...
Oktâbr 17-sinde atış ve patlavlar olıp keçken Keriç politehnik kolleciniñ 250-den ziyade oquyıcısı, üç aftağa halqara “Artek” lagerine ve Kezlev istiraat bazasına yollanıldı. Bu aqta Keriçniñ rusiyeli başı Sergey Borozdin haber etti. “Balalarımıznı üç afta devamında meraqlı raatlıq bekley. Ümüt etem ki, bu vaqıtta olar, aqıl alâ daa qabul etip olamağan, deşetten fikrince biraz uzaqlaşıp olur”, - yazdı Borozdin öz Facebook saifesinde. Oktâbrniñ 17-nde, çarşenbe künü, Keriç politehnik kollecinde patlav ve atışuv oldı. Читать дальше...
Kyivde keçirilgen VI çağırılış Qırımtatar Milliy Qurultayınıñ konferentsiyası «Qurultay faaliyetiniñ temelinde olğan printsip ve maqsadlarınıñ bozucılarını» aydınlattı. Qırım.Aqiqat mühbiriniñ bildirgenine köre, «bozucılar» cedveline Qırımnıñ Rusiye müftisi Emirali Ablayev, em de: Ayder Acimambetov, Seit-Asan Asanov, Elmira Asanova, Eskender Bilâlov, İbragim Bormambetov, Teyfuk Gafarov, Refat Derdarov, Remzi İlyasov, Fevzi Kübedinov, Dilâver Melgaziyev, Zevay Osmanov, Dilâver Reşetov, Zaur Smirnov... Читать дальше...
