Kreml nezaretindeki Qırımnıñ Yuqarı mahkemesi qırımtatar faali, bloger Nariman Memedeminovnıñ imayesi bergen şikâyet arizasını red etip, onı SİZOda qaldırmağa qarar aldı. Bu aqta Qırım.Aqiqat mühbiri haber ete. Böylece, terrorizm teşviqatında qabaatlanğan Memedeminov oktâbrniñ 17-ne qadar izolâtorda bulunacaq. «Nariman soñki sözüni aytıp, qırımtatarı, musulman, cemaat faali ve jurnalist olğanını ve şu sebepten FSB nişanı olğanını, yalıñız şu sebepten de taqip etilgenini qayd etti», – dep tarif etti advokat Emil Kürbedinov. Читать дальше...
«Veciye Kaşka davasınıñ» iştirakçisi, qırımtatar faali Asan Çapuh dört künden berli açlıq tuta. O, Aqmescit SİZOsınıñ tibbiy bölüginde oña acele tibbiy yardım kösterilmesini talap ete. Bu aqta Çapuhnıñ advokatı Ayder Azamatov onı izolâtorda ziyaret etken soñ Qırım.Aqiqatqa isbatladı. «O, SİZO reberligine açlıq aqqında haber etti. Onıñ esas talabı – eñ azından tedaviylemege başlamaları. Çapuhnıñ alı fena: qan basımı arta, başı ağıra, sol ayağı ve qolu çalışmay», – dep ayttı Azamatov. Çapuhnıñ advokatına bildirgenine köre... Читать дальше...
Qırımda Aqmescit SİZOsında tutulğan “Veciye Kaşka” işiniñ iştirakçisi Bekir Degermenciniñ alı fenalaşqan. Bu aqta Qırım.Aqiqatqa adliyeci Edem Semedlâyev izolâtorda tutulğan imayesi altındaki şahısnı ziyaret etken soñ haber etti. ”O, daima ingalâtorlar qullanğanını körip, alı fenamı dep soradım. Hastalıq (bronhial astma) sezondan dolayı keskinleşip başladı, dep cevap berdi”, - dep izah etti Semedlâyev. Adliyeci, sentâbrniñ 19-nda tahqiqatçı cinayet işi boyunca ilk tahqiqat bitkeni aqqında ilân etkenini ayttı. Читать дальше...
Rusiye Qara deñiz flotu, Qırımdaki Rusiye İç işler nazirligi ve Fevqulâde vaziyetler hızmeti Aqmescit sakinleriniñ sentâbrniñ 19-nda eşitken patlav seslerini izaatladı. Flotnıñ matbuat hızmeti bildirdi ki, Qara deñiz flotu ve Cenübiy arbiy flotunıñ aviatsiyası şeer sıñırlarında uçmay. «Krıminform» malümatına köre, Qırımdaki Fevqulâde vaziyetler hızmeti ve İç işler nazirliginiñ idareleri patlav sesinen bağlı bir-de bir haber almağan edi. İçtimaiy ağlarda üylege yaqın Aqmescitniñ farqlı yerlerinde... Читать дальше...
Halqara uquq qorçalayıcılar, işğal etilgen Qırımda nezaret vazifesiniñ tafsilâtlarını aytıp berdi. Belarus İnsan Aqları Evininiñ vekili Tatyana Revâko qayd etkenine köre, uquq qoruyıcılar 50-ge qadar adamnı soraştırıp, 20 intervyü keçirdi. “Biz 20-den ziyade körüşüv ötkerdik, azatlıqtan marum etmegen cinayet mahkeme ükmü olğan jurnalist ve faalcilernen, memuriy mesülietke çekilgen faalcilernen, siyasiy mabüslerniñ soylar, apaylar, analar ve balalarınen qonuştıq. Men, Qırımda qullanılğan qabaatlavlar... Читать дальше...
Kyivde halqara ve ukrain aq qorçalayıcılarınıñ Qırımda kerçekleştirgen monitoring neticeleri matbuat brifinginde taqdim etilecek. Aq qorçalayıcılar sentâbrniñ 14-nden 18-ne qadar işğal etilgen Qırımnı ziyaret etti. Monitoringde Azerbaycan, Beyazrusiye ve Ukraina insan aqları evleriniñ vekilleri iştirak etti. Brifing teşkilâtçılarınıñ malümatına köre, aq qorçalayıcılarınıñ missiyası söz serbestligi, toplaşuv ve birleşüv problemleri, em de Qırımdaki aq qorçalayıcılar ve cemaat faalleriniñ taqip etilmesini qayd etmekten ibaret edi. Читать дальше...
Kyivde halqara ve ukrain aq qorçalayıcılarınıñ Qırımda kerçekleştirgen monitoring neticeleri matbuat brifinginde taqdim etilecek. Aq qorçalayıcılar sentâbrniñ 14-nden 18-ne qadar işğal etilgen Qırımnı ziyaret etti. Monitoringde Azerbaycan, Beyazrusiye ve Ukraina insan aqları evleriniñ vekilleri iştirak etti. Brifing teşkilâtçılarınıñ malümatına köre, aq qorçalayıcılarınıñ missiyası söz serbestligi, toplaşuv ve birleşüv problemleri, em de Qırımdaki aq qorçalayıcılar ve cemaat faalleriniñ taqip etilmesini qayd etmekten ibaret edi. Читать дальше...
Ermeni Bazar ekologik felâket alanı olıp qala. Avgustnıñ 23-den 24-ne keçer gecesi Ermeni Bazarda ne olğanı belli olmağan taşlamalar qayd etildi. Qırım memuriyeti aytqanına köre, zararlı maddeler taşlantılarınıñ sebebi yarımada şimalinde «Qırım titanı» qullanğan ekşilik havzularından çıqqan buvlanuvdan olğan eken. Uzun yıllar devamında istisal taşlantıları aqızılğan havuz sıcaqtan sebep quruğan, dep iddia ete memurlar. Kyiv, Qırımda himik maddelerniñ taşlatıları Rusiye arbiyleri sebebinden olğanını tüşüne. Читать дальше...
Aqmescit sakinleri üylege yaqın yüz bergen patlav aqqında içtimaiy ağlarda yazalar. Şeerniñ farqlı rayonlarında bir ses eşitildi. Sakinlerniñ yazğanına köre, Merkeziy avtovokzal ve «Moskva» musafirhanesi yanında maşinalarnıñ signalizatsiyası çalışmağa başladı. Qırımdaki Rusiye fevqulâde vaziyetler hızmeti idaresiniñ saytında Aqmescitte yüz bergen bir-de-bir adise aqqında malümat şimdilik yoq. Dekabr ayınıñ soñunda Aqmescit sakinleri içtimaiy ağlarda belli olmağan küçlü bir davuş aqqında bildirgen edi. Читать дальше...
Sentâbrniñ 19-nda Aqmescitte «Qırım birdemliginiñ» faali Osman Belâlov 5 kün devam etken memuriy tevqif cezasından soñ azatlıqqa çıqtı, dep bildire Qırım.Aqiqat mühbiri. Belâlovnı tuvğanları, dostları ve faaller qarşıladı. O, nezaret altında tutulması «uquqiy qanunsızlıq» ve «razı olmağanlarğa qarşı küreş» olğanını tüşüne. «Bir devlet başqa devletniñ uquqiy alanında olğanlar içün bizni ilk sefer mahküm etmey. Olar bunı ekstremizm ile küreş dep adlandıralar, amma asılında akimiyet istemegen insanlarnı çetleştireler», – dep ayttı Belâlov. Читать дальше...
Zarema Seitablayeva - Qırımda rusiye tarafdarı faalcilerge basqınç aqqında
Sentâbrniñ 18-nde Moskvada Rusiye prezidentiniñ memuriyeti ögünde faaller qırımlı siyasiy mabüslerge qoltutmaq maqsadınen bir kişilik narazılıq aktsiyalarını keçirdi. Olar açlıq tutqan Oleg Sentsov, Vladimir Baluh ve siyasiy sebeplerden apiste tutulğan diger qırımlılarnıñ azat etilmesi ve Qırım işğaliniñ toqtatılmasını talap etti. Bunı «Strategiya-18» Rusiye teşebbüsiniñ iştirakçisi Vera Lavreşina Qırım.Aqiqatqa aytıp berdi. «Rusiye vatandaşları yavaş-yavaş uyana, özüne keleler. Şimdi pensiyalarını alalar, işsiz qaldıralar. Читать дальше...
