Ukrain faali Vladimir Baluhnıñ advokatı onı ancaq sentâbrniñ 17-nde köre bilecek. Bu aqta mabüsniñ imaye vekilleri Qırım.Aqiqat mühbirine bildirdi. Sentâbrniñ 15-nde advokat, Baluhnı ziyaret etecek oldı, amma oña izolâtorğa kirmege izin berilmedi. O, Vladimirniñ alını ögrenecek edi. Bundan evel mabüsniñ köteklengenine dair malümat peyda olğan edi. Advokat faalni bazarertesi künü, sentâbrniñ 17-nde, ziyaret etmege niyetlene. Sentâbrniñ 14-nde Qırımtatar Milliy Meclisiniñ reis muavini Ahtem Çiygoz Vladimir Baluhnı köteklegenler, dep bildirdi.
«Öz printsipleri olğan ve olarğa soñuna qadar sadıq qalğan insanlarnı pek ürmet etem. Olarnıñ printsipleri ayatları içün telüke taşıy. Epimiz buña pek yanamız», – «Okean Elzı» taqımınıñ lideri Svâtoslav Vakarçuk apiste tutulğan qırımlı siyasiy mabüsler Oleg Sentsov ve Vladimir Baluhqa muracaat etti. Sentâbrniñ 14-nde 181 künden berli açlıq tutqan Vladimir Baluh Aqmescit SİZOsında kötenlendi. Qırımtatar Milliy Meclisiniñ reis muavini Ahtem Çiygoznıñ malümatına köre, Baluhnı «kameradan çıqarıp urğanlar ve öldürmege vade etkenler». Читать дальше...
Aqmescitte sentâbrniñ 14-nde qırımlı Zekkiy Kulametov azatlıqqa çıqtı. O, politsiya emirlerini yerine ketirmegeni ve içtimaiy ağlarda paylaşqanları içün 10 künge tevqif etilgen edi. İzolâtor binasınıñ yanında Kulametovnı yarımadanıñ farqlı köşelerinden kelgen 50-ge yaqın qırımtatar faali qarşıladı. Zekkiy Kulametov er keske minnetdarlığını bildirip, sağlığı yerinde olğanını ve bir şikâyeti olmağanını ayttı. Qırımlınıñ qayd etkenine köre, davasında «adalet olmasını» talap etecek. Onıñ imayecisi İslâm-Terek... Читать дальше...
Aqmescitte 10 kün nezaret altında bulunğan Zekkiy Kulametov azatlıqqa çıqtı. O, politsiyanıñ emirlerini yerine ketirmegeni ve içtimaiy ağlarda paylaşqanları içün memuriy ceza alğan edi. Bu aqta sentâbrniñ 14-nde Qırım.Aqiqat mühbiri bildire. İzolâtor binasınıñ yanında Kulametovnı yarımadanıñ farqlı köşelerinden kelgen 50-ge yaqın qırımtatar faali qarşıladı. Zekkiy Kulametov er keske minnetdarlığını bildirip, sağlığı yerinde olğanını ve bir şikâyeti olmağanını ayttı. Qırımlınıñ qayd etkenine köre, davasında «adalet olmasını» talap etecek. Читать дальше...