Rusiye uquqqoruyucısı Zoya Svetova avgustnıñ 14-ünde açlıqnı ilân etken ukrain rejissöri Oleg Sentsovnı rusiye koloniyasında ziyaret etti. Uquqqoruyucı Sentsov alı havflığa yaqın dep aytqanını haber etti. Bunıñ aqqında o RTVI-ğa ikâye etti. Svetova rejissörnen koloniya başı ve daa eki hadimi yanında eki saat devamında qonuşqanı habet etile. Uquqqoruyucı aytqanına köre, Sentsov “yahşı ve temiz” dört yerlik palatada buluna. “Sentsovnıñ işanğan koloniya ekimleri, yapıp olğanını yapa, amma iç bir tahminler etmey. Читать дальше...
Qırımda tevqif etilgen qırımtatar faalcisi, bloger Nariman Memedeminov ukrain habercilerini, yarımadada rusiye quvetçileriniñ tarafından adam taqiplerine ziyadece diqqat ayırmağa, çağırttı. Bu hitapnı o advokatı Edem Semedlâyevnen yolladı dep haber ete Qırım.Aqiqatnıñ muhbiri. “Bugün er jurnalist, gazetacı, habercınıñ vazifesi - Qırımda olıp keçken vaqialarnıñ kerçeklerini aytacaq adamlarnı tapmaq ve olarnen sıq bağda bulunmaq. Ümüt etem ki, Qırım meselesi ileride de pressada ayrı ve müim yer alacaq”, - dedi Memedeminov. Читать дальше...
Yalta yanındaki Üç Qoş deresinde yanğın söndürildi. Bunıñ aqqında avgustnıñ 13-ünde Qırımnıñ fevqulade vaziyetler Hızmetiniñ (FVH) matbuat hızmeti haber etti. “Avgustnıñ 13-üne saat 17:00 qadar Yalta dağ-orman qoruğındaki Uç Qoş deresinde tabiiy peyda olğan yanğın bütünley söndürildi”, - aytıla beyanatta. Müessiseniñ malümatına köre, yanğın 26 gektarlıq meydannı qaplap aldı. Yanğında elâk olğanlar ve ondan zarar körgenler olmadı. Yanğınğa 770 tonna suv töküldi, 485 adam ve 67 cihaz qullanıldı. Читать дальше...
Avgustnıñ 13-ünde Rusiye nezareti altındaki Aqmescitniñ Kıyıv rayon mahkemesi bloger Nariman Memedeminovnıñ davası boyunca tahqiqatçınıñ muracaadını qanaatlendirdi ve tevqif müddetini 2 ayğa uzattırdı. Bunıñ aqqında Qırım.Aqiqat muhbirine blogerniñ adliyecisi Edem Semedlâyev haber etti. Memedeminov oktâbrniñ 15-inece SİZOda tutulacaq. Adliyeciniñ aytqanına köre, tahqiqatçı tevqif müddeti uzatmasınıñ zaruretini tolusınen açıqlap olamadı. Sadece daa, eñ azından, üç şaatnı sorğuğa çekmek ve Memedeminovnıñ... Читать дальше...