“Strelkovaya” “narazlıq meydanı"nıñ faalcisi, avgustnıñ 3-ünde rusiyeli Qırım memuriyeti yanında öz-özüni yaqmağa tırışqan, qırımtatar Vatan Karabaş özüni öldülmege istemegenini bildirdi. “Men özümni aqlamayım. Men musulmanım, ve bu - büyük günâh, bu doğru degil. Birden aytam, özümni öldürmege niyetim yoq edi, men adamlarğa ateşimni söndürsinler dep rica ettim. Sağ olsunlar, söndürdiler”, - dedi Vatan Karabaş avgustnıñ 10-unda Aqmescitte matbuat merkezinde. Daa evel Qırım.Aqiqatqa bergen intervyüde... Читать дальше...
AQŞ Moskovağa qarşı sanktsiyalarnı küçleştirse, bunı iqtisadiy cenkniñ ilân etüvi kibi qabul etmek mümkün dep ayttı Rusiyeniñ baş naziri Dmitriy Medvedev. Bunıñ aqqında Rusiye KHV haber ete. “Eger banklarnıñ faaliyeti yasaqlansa ya da bir de bir para birleminiñ qullanılması, bunı doğrudan iqtisadiy cenkniñ ilân etüvi kibi qabul etmek mümkün. Ve bu cenkte areket etmege kerek olacaq: iqtisadiy usullarnen, siyasiy usullarnen, ihtiyac olsa - başqa usullarnen de. Ve bizim amerikalı dostlarımız bunı añlamaq kerek”, - dep qayd etti Medvedev. Читать дальше...
Qırımnıñ rusiye akimiyeti sadece Qırımtatar akademik muzıkalı drama teatriniñ bediiy reberini deñiştirmege degil de, teartni aslı yoq etmege istey. Bunıñ aqqında Qırım.Aqiqat Radiosı efirindeб Bilâl Bilâlovnıñ işten boşatılğanını tefsir eterek, qırımtatar Milliy Meclisniñ reisi, Ukraina halq mebusı Refat Çubarov bildirdi. “Olar aslı başqa adamnı tapar, qullanır ve qısqa vaqıtta ondan qutulırlar. Rusiye işğalcileri sadece rejissörni deñiştirmek degil, teatrni yoq etmege istey”, - dep qayd etti Meclis reisi. Читать дальше...
Vaşıngtonnıñ (Washington) Rusiyege qarşı ilân etilgen yañı sanktsiyaları sebebinden, rusiye rublesi keskin şekilde ucuzlandı. Yevroğa nisbeten rusiye para birlemi 3 rubleni coya, dollarğa nisbeten ise - 2 ruble 69 kapikni. Avgustnıñ 10-una Rusiye merkez bankı tayinlegen yevro kursu - deyerli 77 ruble, dollar ise - 66 ruble 28 kapik. Bundan ğayrı, Azatlıq Radiosı haber etkenine köre, cumaaqşamı künü büyük rusiye banklarınıñ aktsiyaları, devlet obligatsiyaları ve “Aeroflot” şirketiniñ aktivleri keskin şekilde ucuzlandı. Читать дальше...