ABD Devlet kâtibi Mike Pompeo iyülniñ 25, çarşembe künü Birleşken Devletler Rusiye tarafından ilhaq etilgen Qırımnı iç bir vaqıt tanımaycaqı aqqında ayttı. «Qırım beyannamesi» denilgen beyanatta Pompeo, ABD kelecekte de Ukrainanıñ topraq bütünligi üzerinde israr etecek dep ayttı. Onıñ sözlerine köre, Kremlniñ halqara uquqqa zıt kelgen şekilde elge keçirilgen territoriya suverenitetine olğan itirazını ABD evelkisi kibi tanımamağa devam etecegini ayttı. O, Rusiyeni «Qırım işğalini yekünlemege» çağırdı. Читать дальше...
Qırım MC prokuraturası Qırım «samooboronası», rusiyeli «Noçnıye volki» teşkilâtı ve diger qanunsız teşkilâtlarnıñ temsilcileri işlegen cinayetlerniñ tahqiqatını Qırım MC Milliy politsiya idaresi, SBU idaresi aralarında areketlerni uyğunlaştırmaq ve malümatnen teminlevni yoluna kirsetmek kerekliginde israr ete. Prokuror muavini İgor Ponoçovnıy, 2018 senesi altı ay içinde Qırımda işlengen cinayetler ve olarnıñ tesbiti boyunca Qırım uquqqorçalav organlarınıñ koordintsion oturışuvında böyle bir beyanat yaptı. Читать дальше...
İtaliya ükümeti Rusiye tarafından ilhaq etilgen Qırımnı tanımay ve ABniñ sanktsiyalar siyasetine riayet etmek niyetinde, dep bildirdi parlament oturışuvında İtaliya tış işleri naziri Enzo Moavero Milanezi. Bu aqta Ansa agentligine esaslanğan «Avropa aqiqatı» haber ete. Nazirniñ sözlerine köre, İtaliye ükümeti «halqara uquqqa er zaman sayğı kösterilmeli» dep saya. Haber etilgenine köre, Milanezi deputat Laura Boldrininiñ, 2014 senesi mart ayında Rusiyeniñ Qırımda ötkergen «referendumını» imaye... Читать дальше...
Rusiye Devlet duması soñki oquvdan soñ ana tillerge dair qanun leyhasını qabul etti. Vesiqağa binaen, «Ana tili» feni kirsetilgen mektep programmalarında, onıñ ögrenilüvi mecburiy olıp qalacaq, lâkin bu arada muayyen bir tilni ana tili olaraq saylâmağa imkân berilecek. Vesiqada, Rusiyeniñ mecburiy tasil standartları «Rusiye halqları arasında ana tilinde tasil aluv, Rusiye cumhuriyetlerindeki devlet tilini ögrenüv, Rusiye halqlarınıñ tilleri arasındaki ana tillerni ögrenüv, şu cumleden ana tili... Читать дальше...
Ukrainanıñ qıta qısmında Qırım sakinleriniñ iç pasportları ne içün uzun muddet deñiştirile? Bu ini tezleştirmek mumkünmi? Pasport içine fotosuret yapıştırmaqne qadar vaqır ala? Şahsiyetniñ tasdıqlanması içün nasıl vesiqalar kerek? Bu suallerge Qırım.Aqiqat Radiosına kelgen musafir ve mutehassıslar cevap bere. Herson vilâyeti Ukraina Migratsion baş hızmetiniñ ictimaiy bağlar boyunca üyken mutehassısı Viktoriya Magdıç, Qırım sakinleri içün Ukrainanıñ iç pasportında fotosuret deñiştirmek içün yahşısı... Читать дальше...
BMTniñ çekiştirüvlerge qarşı küreş komiteti iyülniñ 25-nde Rusiyedeki vaziyetni közden keçire. Komitet oturışuvınen bağlı malümat BMT saytında derc etildi. «Qırım uquimaye gruppası» haber etkenine köre, Rusiye temsilcileri de Rusiye ilhaq etken Qırımda yapılğan repressiya ve çekiştirüvlernen bağlı suallerge cevap bere bileler. Ukrain uquqimayecileri BMT komitetine 2014-2018 seneleri Rusiye Qırımda qullanğan çekiştirüvleri aqqında maruzasını teslim etti. Uquqimayeciler haber etkenine köre,... Читать дальше...
Qırım Muhtar Cumhuriyetiniñ prokurorı Gündüz Mamedov, Ukraina qanunlarını bozıp, yarımadada Rusiye ve Qırım akimiyeti tarafından teşkil etilgen halqara tedbirlerde iştirak etmek içün Qırımnı ziyaret etken çetel vatandaşlarnı cevapkâtlıqqa çeküvnen bağlı işni quvetlendirmege talap ete. Bu aqta Qırım MC prokurorı iyülniñ 25-nde ötkerilgen Qırım telükesizlik organlarınıñ koordinatsion toplaşuvında söz yürsetti. Prokuraturanıñ matbuat hızmeti haber etkenine köre, toplaşuvda Qırımnıñ qapalı limanlarına qanunsız kirgen deñiz gemileri... Читать дальше...
Lina Kostenko, Yuriy Andruhoviç, İvan Malkoviç, Aleksandr Roytburd ve daa 50-den ziyade ukrain yazıcı, sanat ve cemaat erbapları, bütün ukrain mabüslerniñ azat etilmesi içün açlıq tutqan, ukrain rejissörı Oleg Sentsovğa muracaat etti. “Saña oşağan insanlar bu dünyada pek az. Bilemiz ki, özün içün yahşı laflar eşitmege iç sevmeysiñ. Amma sen kibi küçlü ve iradeli insan bizge sağ kerek. Qapatılğan balalarımıznıñ serbestligi oğrunda küreşimizni devam etmek içün. Sen bizim içün sağ qalmaq kereksiñ. Читать дальше...
İyülniñ 25-ine Qırımnıñ bazı rayonlarında küçlü yağmur, furtuna, burçaq beklenile. Bunı yarımadanıñ gidrometeomerkezi bildire. Olarnıñ malümatına köre, Aqmescitte deñişip turğan bulutlılıq, kündüz qısqa vaqıt yağmur, furtuna beklenile. Ava 32 derecege qadar qızınacaq. Aqyarda da deñişip turğan bulutlılıq, qısqa vaqıt yağmur ve furtuna. Kündüz ğarbiy yel 5-10 m/s, furtuna vaqtında 14 m/s qadar köterile. Kündüz ava arareti 28-30 derecede. Kün boyunca Qırım Cenüp yalısında qısqa vaqıt yağmur, furtuna. Читать дальше...