Qırım Muhtar Cumhuriyetiniñ prokurorı Gündüz Mamedov iyülniñ 11-nde Hersonda ilhaq etilgen yarımada sakinlerinen körüşmek içün baracaq, dep haber ete iyülniñ 9-nda, prokuraturanıñ matbuat hızmeti. «İlhaq etilgen Qırım yarımadasında işğalci ükümet temsilcileri tarafından vatandaşlarnıñ aq-uquqlarınıñ bozulğanını tesbit etmek maqsadınen, Herson şeerinde yerleşken Qırım Muhtar Cumhuriyeti prokuraturası bölüginde Qırım Muhtar Cumhuriyetiniñ prokurorı vatandaşlarnı şahsen qabul etecek», – denilmekte haberde. Читать дальше...
Qırımtatar halqınıñ lideri, Ukraina halq deputatı Mustafa Cemilev, iyülniñ 9-nda Aqyarda çıqış yapqanda, «Qırımtatar Milliy Meclisi areketlerinden dolayı yarımadada iqrarsızlıq telükesi olabile» dep aytqan Rusiye Havsızlıq Şurasınıñ kâtibi Nikolay Patruşevniñ sözlerini izaatlar eken, ilhaq etilgen Qırımda Rusiye qırımtatarlarğa qarşı yañı provokatsiyalar azırlay bile dep ayttı. TASS haber etkenine köre, Patruşev ayrıca, «Qırımdaki işbu iqrarsızlıq telükesi» Ukraina devletiniñ başında turğan siyasiy küçlerniñ... Читать дальше...
Avropa şurasınıñ reisi Donald Tusk , Avropa şurasınıñ Rusiye taarfından ilhaq etilgen Ukrainağa bağlı Qırımnıñ tanılmamasınen bağlı pozitsiyası deñişmey. İyülniñ 9-nda bu aqta o Brüsselde, Ukraina prezidenti Petro Poroşenko ve Avropa komissiyasınıñ prezidentiJean Clayde Junker ile keçken Ukraina – Avropa birligi sammitiniñ ortaq matbuat konferentsiyası neticesinde ayttı. «AB Ukraina topraq bütünligi, suvereniteti ve mustaqilligine qol tutmağa devam ete. Qırım ve Aqyarnıñ qanunsız ilhaqını tanımayuvımız da deñişmey qalmaqta», – dedi Tusk. Читать дальше...
Demokratiya, insan aqları ve gumanitar meseleler komiteti ukrain eyyeti tarafından azırlanğan OSCE Parlament assambleyasınıñ Qırımnen bağlı qarar leyhasına qol tuttı. Bu aqta iyülniñ 9-nda özüniñ Facebook saifesinde Qırımtatar Milliy Meclisiniñ yolbaşçısı, Ukraina halq deputatı Refat Çubarov yazmaqta. Onıñ sözlerine köre, «Qırım Muhtar Cumhuriyeti ve Aqyarda (Ukraina) insan aqları ve serbestligi bozulmağa devam ete» adlı qararına 35 kişi qol tuttı, 9 kişi «qarşı çıqtı», 7 kişi « bitaraf» qaldı. Читать дальше...
Aqyarlı «Hizb ut-Tahrir işi» iştirakçisi Nuri Primovnıñ anası Raime açlıq tutmaqnı toqtattı. Bu aqta Qırım.Aqiqatqa iyülniñ 9-nda İnsan aqları boyunca Qırım kontakt gruppasınıñ koordinatorı Abdureşit Cepparov ikâye etip berdi. «Haber alğanıma köre, iyülniñ 3-ne aqşam Raime Primova ahır-soñu açlıq tıtmamağa qarar bergen», – dedi Cepparov. İyülniñ 4-nde uquqimayeci, Primova hastahanege alıp ketilgeni «ve onıñ al-areketlerine baqılacaq olsa, açlıq tutmağnı toqtatmadı», dep haber etken edi. Primova... Читать дальше...
Rusiye nezareti altındaki Qırım Yuqarı mahkemesi iyülniñ 9-nda qırımtatarlalarnıñ sürgün hatırasına bağışlanğan tedbir iştirakçisi Seytasan Asanovnıñ davasını toqtataraq, yarımadanıñ Rusiye politsiyası oña qarşı bergen apellâtsion şikâyetini qanaatlendirmedi. Bu aqta Qırım.Aqiqat muhbiri haber etmekte. Dava materiallarınıñ baqıluvı ve şaatlarnıñ sorğulanuvı esnasında mahkeme Merkeziy rayon mahkemesiniñ qararı esaslı ve qanuniy olğanını, em de Seytasan Asanovnıñ areketlerinde qanun zıt kelgen arketler olmağanını qarar bererek... Читать дальше...