Mayıs 21-de saba Bağçasarayda yaqalanğan qırımtatar faaliyetçisi Server Mustafayevni mahkemege qadar vaqtınca tutuluv izolâtorına yerleştirecekler. Mahkemede ise oña sıñırlav tedbiri saylana bilecek. Azatlıq Radiosındaki rus hizmetiniñ muhbiri Anton Naumlükniñ Facebookta bildirgenine köre, Mustafayevni, Rusiye Cinaiy kodeksiniñ 205.5 maddesiniñ 2-nci qısmı (terroristik teşkilâtta iştirak etüv) boyunca iş açılğanı aqqında ve oña qarşı qabaatlavlarnıñ (Rusiyede ve onıñ tarafından ilhaq etilgen Qırımda... Читать дальше...
Qırımtatar Milliy Meclisiniñ reisi Refat Çubarov: «Emirali Ablayevniñ (Qırım muftisi – QA) evine qarşı sanki yapılğan tutaştıruv FSB tarafından azırlandı. Bu, mahsus operatsiya edi», – dep bildirdi. Rusiye telükesizlik hadimleri tarafından Qırımda ekstremist gruppasınıñ azırlanmasında qabaatlanğan Ukraina Yuqarı Radası deputatı Mustafa Cemilevniñ yardımcısı Erol Veliyev yarımadada soñki kere 2017 senesiniñ küzünde olğan edi. Daa evel Rusiye FSBsi, sanki Qırımda, Ukraina Yuqarı Radasınıñ deputatı... Читать дальше...
Qırımtatar Milliy Meclisiniñ reisi Refat Çubarov, Ukraina ukümeti ve dünya toplulığını, Qırımnıñ azat etilmesi içün Rusiyege qarşı «daa tesirli çareler»ni körmege davet etti. Bu hususta Meclis reisiniñ Rusiye tarafından ilhaq etilgen yarımadada mayıs 21-de olıp keçken vaqialarğa dair beyanatında aytıla. Beyanatnıñ metninde: «Biz Rusiyeden Qırımnıñ qanunsız ilhaqını deral toqtatmaqnı ve işğal etilgen yarımadanı azat etmekni talap etemiz. Biz Ukraina ve dünya toplulığını, Qırımnıñ azat etilmesi... Читать дальше...
Tış işleri nazirligi bildirgenine köre Kyiv, ilhaq etilgen Qırımdaki tintüv ve tevqiflernen bağlı malümatnı halqara mahkemelerde taqdim etilecek delil olaraq toplamaqta. Bu aqta mayısnıñ 21-nde TİN matbuat-kâtibi Maryana Betsa haber etti. «Hususan Adalet nazirligi iyün ayınıñ ortasında siyasiy mabüsler boyunca Avropa insan aqları mahkemesine şikâyet bermek kerek, TİN BMT Halqara mahkemesi içün, diskriminatsiyanıñ bütün şekillerini yasaqlağan ve davalarımıznıñ daa bir mevzusı olğan şartname boyunca hususan... Читать дальше...
Rusiye telükesizlik hadimleri ilhaq etilgen Qırımda alıp qaçılğan Harkiv sakini Aleksandr Steşenkoğa işkence ettiler. Bunı mayıs 21-de Qırımtatar Milliy Meclisiniñ reisi Refat Çubarov Kyivde bergen matbuat konferentsiyasında ikâye etti, dep bildire Qırım.Aqiqat muhbiri. Çubarov: «Bu seneniñ aprel 11-nde oña (Steşenkoğa – QA) işkence ettiler: iradesini qırmaq içün çoq kere deñizde batırıp boğdılar. İfadeler bergeninden bir qaç vaqıt keçken soñ onı, yaqın adamlarına telefon açıp, bizge onıñ bulunğan... Читать дальше...
Rusiye telükesizlik hadimleri tarafından Qırımda ekstremist gruppasınıñ azırlanmasında qabaatlanğan Ukraina Yuqarı Radası deputatı Mustafa Cemilevniñ yardımcısı Erol Veliyev yarımadada soñki kere 2017 senesiniñ küzünde edi. Bunı mayıs 21-de Qırımtatar Milliy Meclisiniñ reisi Refat Çubarov Kyivde bergen matbuat konferentsiyasında ayttı, dep bildire Qırım.Aqiqat muhbiri. Çubarov: «Men bugün Veliyevnen laf ettim. O, Qırımda soñki kere 2017 senesiniñ sentâbrinde olğanını ayttı. Steşenko, FSBniñ kamerası... Читать дальше...
Ukraina jurnalistleriniñ milliy birligi (UJMB) Rusiye telükesizlik hadimleri tarafından «Qırım birdemligi» koordinatorlarından biri Server Mustafayevniñ evinde yapılğan tintüvlerni taqbih ete. Bunı UJMBniñ matbuat hizmeti bildire. UJMBniñ kâtibesi, Qırımdan mecburen köçken jurnalist Yelena Yurçenko: «Mustafayev Qırımda vatandaş jurnalistikasınıñ eñ parlaq vekillerinden biri. O, Qırımdaki Rusiye mahkemelerinde qırımtatar faaliyetçilerine qarşı protsesslerni aydınlatmağa, yarımadada tintüvler, yaqalanuvlar aqqında ikâye etmege yardım ete edi. Читать дальше...
Qırımtatar Milliy Meclisiniñ reisi Refat Çubarov, Rusiye FSBsiniñ ilhaq etilgen Qırımda «ekstremist gruppası»nıñ meydanğa ketirilmesi aqqında beyanatına, Qırımtatar Milliy Meclisini dünya toplulığı ögünde itibardan tüşürmek teşebbüsi, dey. Bu hususta o, mayıs 21-de özüniñ Facebookında yazdı. «Rusiye FSBsi, vaqtınca işğal etilgen Qırımda er angi provokatsiyanı planlaştırğanda ve amelge keçirgende, adet üzre, ögüne kompleksli vazifeler qoya. Bu vaziyette bu künlerde Qırımda qırımtatarlarğa qarşı... Читать дальше...
Ukraina telükesizlik hizmeti (SBU), Rusiye FSBsiniñ, ilhaq etilgen Qırımda Ukrainanıñ mahsus hizmetleri yardımınen «ekstremist gruppasınıñ meydanğa ketirilmesi» aqqında malümatı kerçekke uymay, dep beyan ete. Bunı mayıs 21-de Qırım.Aqiqatqa SBU spikeri Yelena Gitlânskaya bildirdi. O, mevzuğa dair qoşumça malümat bermek istemedi. SBUnıñ spikeri: «Biz FSBniñ nevbetteki hayallarını iza etmeymiz», – dedi. Daa evel Rusiye FSBsi, sanki onıñ tarafından Qırımda, Ukraina Yuqarı Radasınıñ deputatı Mustafa... Читать дальше...
Ukraina Tış işleri nazirligi, ilhaq etilgen Qırımda Rusiye telükesizlik hadimleri tarafından ötkerilgen nevbetteki tintüvlerni taqbih ete. Bunı Twitterde tış siyaseti muessiseniñ spikeri Maryana Betsa yazdı. Qırımdda nevbetteki yaqalanuvlar. İşğalci qırımtatarlarnıñ iradesini bastırmaq istey. Taqbih etemiz ve halqara mahkemelerge muracaat etmege devam etecekmiz. Daa evel Rusiye telükesizlik hadimleriniñ Qırımda tintüv yapqanları aqqında bildirilgen edi. Şu cümleden, Bağçasarayda «Qırım birdemligi»... Читать дальше...
Mayıs 21-de Bağçasarayda faaliyetçiler Server Mustafayev ve Edem Smailovnıñ evlerini tintken Rusiye telükesizlik hadimleri imayeleri altında olğanlarğa advokatlarnı yibermeyler. Bunı Emil Kurbedinov ve Ayder Azamatov Facebookta bildirdiler. Kurbedinov: «Rusiyeniñ Cinaiy protsessual kodeksi bozularaq, men, S.R. Mustafayevniñ advokatı sıfatında, (tahminen) Ekstremizmge qarşı merkez ve FSB hadimleri tarafından tintüv yapılğan yerde bulunğan muvekkilim yanına yiberilmedim. Bu, imaye etilmek aqqınıñ ciddiy bir bozuluvıdır. Читать дальше...
Bağçasarayda «Qırım birdemligi» birleşmesiniñ koordinatorlarından biri Server Mustafayevniñ Rusiye telükesizlik hadimleri tarafından tintilgen evi yanında, faaliyetçige qol tutmaq içün insanlar toplaşa. «Hizb ut-Tahrir işi» figurantlarından biriniñ ömür arqadaşı Mumine Saliyeva fotoresimni özüniñ Facebooktaki saifesinde derc etti. Daa evel Rusiye telükesizlik hadimleriniñ Qırımda tintüv yapqanları aqqında bildirilgen edi. Şu cümleden, Bağçasarayda «Qırım birdemligi» birleşmesiniñ koordinatorlarından... Читать дальше...
Bağçasarayda «Qırım birdemligi» birleşmesiniñ koordinatorlarından birisi Server Mustafayevniñ evinde ve Bağçasaray rayonındaki Topçıköy (Dolinnoye) köyüniñ yerli sakini Edem Smailovnıñ evinde Rusiye telükesizlik hadimleri tintüvler keçire. Faaliyetçilerniñ malümatına köre, Server Mustafayevniñ evi yanına avtozaknı (yaqalanğanlarnı taşımaq içün mahsus polis maşinası) ketirip qoydılar. Edem Smailovnıñ evinde ise üç bala blok etildi. Faaliyetçiniñ ömür arqadaşını evge qoymaylar. (Facebookta canlı yayınlarnıñ videosı – Qırım birdemligi).
Bağçasarayda FSB, Rusiyede ve ilhaq etilgen Qırımda yasaqlanğan «Hizb ut-Tahrir» teşkilâtında iştirak etüvde qabaatlanğan eki kişini tutıp aldı. Bu aqta küç idaresiniñ matbuat hızmetine bazanğan Rusiye KHV haber etmekte. «İşbu şahıslar Rusiye Cinayet Kodeksiniñ 205.5 maddesiniñ 2 qısmında belgilengen (terroristik teşkilâtlar faaliyetinde iştirak etüv) cinayet işlegeninde şeklene», – denilmekte haberde. Müessiseniñ malümatına köre, al-azırda operativ-taqiqat işleri yürsetilmekte. FSB saytında... Читать дальше...
Bağçasarayda «Qırım birdemligi» birleşmesiniñ koordinatorlarından biri Server Mustafayev ve Bağçasaray rayonınıñ Topçuköy (Dolinnoye) köyünde Edem Smailovda Rusiye telükesizlik hadimleri tintüvler keçire. Bunı «Qırım birdemligi» birleşmesi Facebookta bildire. Faaliyetçilerniñ malümatına köre, Server Mustafayevniñ evi yanına avtozaknı (yaqalanğanlarnı taşımaq içün mahsus polis maşinası) ketirip qoydılar. Edem Smailovnıñ evinde ise üç bala blok etildi. Faaliyetçiniñ ömür arqadaşını evge yibermeyler. Читать дальше...
Qırım.Aqiqat 2018 senesi mayıs 14 – 20 künleri arasında derc etilgen eñ güzel, meraqlı ya da oşlu fotoresimlerni topladı
