Kremlniñ kontroli altında olğan Aqmescitteki Kiyevskiy rayon mahkemesi mayıs 11-de «Veciye Kaşka işi» figurantlarınıñ tevqif muddetini eki ayğa uzattı. Bunı Qırım.Aqiqat muhbiri bildire. Böylelikle, Bekir Degermenci, Asan Çapuh, Kâzim Ametov ve Ruslan Trubaç tahqiqat izolâtorında iyül 15-ke qadar qalacaqlar. Oturışuv zalına yalıñız aqrabalar yiberildi. Bunıñ arfesinde Kremlniñ kontroli altında olğan Qırım Yuqarı mahkemesi, imayeniñ «Veciye Kaşka işi» figurantları Bekir Degermenci, Asan Çapuh... Читать дальше...
Bağçasaraydaki «Hizb ut-Tahrir işi»niñ maiyeti boyunca birinci oturışuv tayin etildi. O, Rusiyeniñ Rostov-na-Donu şeerindeki Şimaliy Kavkaz okrugınıñ arbiy mahkemesinde mayıs 23-te keçecek. Bunı Qırım.Aqiqat muhbiri bildire. O vaqıtqace işniñ figurantları Enver Mamutov, Remzi Memetov, Zevri Abseyitov ve Rustem Abiltarov Rostov-na-Donu şeerindeki tahqiqat izolâtorına yollanılmaq kerekler. Azırlıq mahkeme oturışuvı Rostov-na-Donuda Aqmescitteki tahqiqat izolâtorı ile videoalâqa boyunca keçti. ... Читать дальше...
Kremlniñ kontroli altında olğan Aqyarnıñ Leninskiy rayon mahkemesi, Rusiye ve onıñ tarafından ilhaq etilgen Qırımda yasaq olunğan «Hizb ut-Tahrir» teşkilâtında iltirak etkeninden şübheli sayılıp, mayıs 10-da yaqalanğan Balıqlava rayonınıñ sakini Enver Seytosmanovnı tevqif etti. Qırım.Aqiqat muhbiriniñ bildirgenine köre, oturışuv qapalı rejimde keçti. Seytosmanov iyül 9-ğa qadar tevqif etildi. Tevqif etilgenniñ advokatı Vagram Şiroyan, qararğa qarşı apellâtsiya berecegini bildirdi. Mayıs 10... Читать дальше...
Kremlniñ kontroli altında olğan Qırım Yuqarı mahkemesi, imaye tarafından «Veciye Kaşka işi» figurantları Bekir Degermenci, Asan Çapuh, Kâzim Ametov ve Rusilan Trubaçqa tahqiqat izolâtorında tutuluv muddetiniñ uzatılmasında qarşı berilgen apellâtsiyanı red etti. Tahqiqat, qabaatlanğanlar qaçmaq, şaatlarğa tesir etmek, delillerni yoq etmek mümkünler, dep iddia ete edi. İmaye, birinci maqam mahkemesi iş figurantlarınıñ musbet hasiyetnameleri, sağlıq vaziyeti, yaşı ve turğun içtimaiy alâqalarını köz ögüne almağanına işaret etip... Читать дальше...
Kremlniñ kontroli altında olğan Aqyarnıñ Leninskiy rayon mahkemesinde, Rusiye ve onıñ tarafından ilhaq etilgen Qırımda yasaq olunğan «Hizb ut-Tahrir» teşkilâtında iltirak etkeninden şübheli sayılıp, mayıs 10-da yaqalanğan Balıqlava rayonınıñ sakini Enver Seytosmanovğa sıñırlav tedbiriniñ saylanması boyunca mahkeme oturışuvı başlandı. Qırım.Aqiqat muhbiriniñ bildirgenine köre, oturışuv qapalı rejimde keçe. Yaqalanğannıñ qardaşı Ernes Seytosmanov ve tünevin onıñ da evi tintilgen anaları, bu iş boyunca şaatlar sıfatında keçeler. Читать дальше...
Rusiyeniñ kontroli altında olğan Qırım Yuqarı mahkemesi, imaye tarafından «fevral 26 işi» figurantları Ali Asanov ve Mustafa Degermencige ev apisiniñ muddetini iyül 7-ge qadar uzatılmasına qarşı berilgen apellâtsiyanı red etti. Bunı Qırım.Aqiqat muhbiri bildire. Bildirilgenine köre, mayıs 14-te Aqmescitteki Merkeziy rayon mahkemesinde «fevral 26 işi»niñ maiyeti boyunca oturışuv planlaştırılğan. Onda qabaatlanğanlar soñki söz ile çıqışta bulunacaqlar. 2014 senesi fevral 26-da Qırım Yuqarı Radası... Читать дальше...
Zevri Abseitov istidatlı tiş ekimi ve numüneviy aile başı olaraq belli. Şimdi ise siyasiy mabüs olaraq da belli oldı.
Rusiye FSBsi, mayıs 10-da Aqyar civarındaki tintüvden soñ yaqalanğan yerli sakinni, Rusiye ve onıñ tarafından ilhaq etilgen Qırımda yasaq olunğan «Hizb ut-Tahrir» teşkilâtında iltirak etkeninden şübheli saya. Bunı Rusiyedeki haber agentlikleri, FSBniñ Qırım boyunca idaresi tarafından berilgen malümatqa atıfta bulunıp, bildireler. «İnterfaks»: «FSB idaresiniñ Tahqiqat bölügi, Rusiye Cinaiy kodeksiniñ 205.5 maddesiniñ 2-nci qısmında (terroristik teşkilâtınıñ faaliyetinde iştirak etüv) qayd etilgen cinayetniñ işlenmesinden şübheli sayılğan... Читать дальше...
«Elifbe»niñ yañı video dersinde biz seyaat yolunı planlaştırmaqnı ve demiryol vokzalında yol tapmaqnı ögrenecekmiz. Kelecekte yapılacaq seyaatnıñ yolunı planlaştırmaq – seyaatnıñ özü qadar meraqlı iş. «Elifbe» qırımtatar tili video dersleri – Qırım.Aqiqatnıñ daa bir leyhasıdır.
Aqmescitte biri-biriniñ artından yüksek binalar öse. Yüksek binalar şeerniñ türlü rayonlarında qurula.