Qırım memuriy sıñırı yanında reydlernen naqliyeciler teşkerile. Bu aqta martnıñ 22-nde Qırım.Aqiqatqa Ukrtranstelikesizlikniñ Qara deñiz regionlarara idaresiniñ başlığı İgor Pastuh ikâye etip berdi. Onıñ sözlerine köre, reyd esnasında qaydelerni bozğanlar yani kerek vesiqasız çalışqan naqliyeciler tesbit etilgen. «Teşkeriv neticesinde keçken afta 8 dane protokol tizilgen edi. Bu afta 164-nci maddege binaen 6 dane, 48-nci ve 1-nci maddelerge köre -39 dane protokol tizildi. Protokollar mahkemege yollanıldı», – dep qayd etti Pastuh. Читать дальше...
Mahsus Qırım.Aqiqat içün Avstriyada ve bütün dünyada anşlüsnıñ – Avstriyanıñ natsist Almanyağa qoşulğanınıñ 80-yıllığı qayd etildi. Qaarli merasimler ötkerildi, doğru sözler aytıldı. Bu arada 80 yıl evel er şey tamamile farqlı keçe. Almaniya Avstriyanı qoşıp almaq içün on yıllar boyunca azırlıq köre – akimiyet başına natsistlerniñ kelüvinen mesele daa ziayde tezleşe. Avstriyanıñ özünde bile anşlüsnıñ tarafdarı olğan siyasetçiler aza degil edi. Avstriya ordusı işğalcini öz topraqlarına raatlıqnen keçirip yibere. Читать дальше...
Martnıñ 22-nde Ukraina Yuqarı Radası ilhaq etilgen Qırımda keçken Rusiye prezidenti saylâvalarını tanılmamasına dair qararğa rey berdi. Asğariy 226 ses olmaq kerek ekende bu qarar içün 255 halq deputatı rey berdi. 22 halq deputatı rey berüvde iştirak etmedi. Daa evel halq deputatları Maksim Burbak ve Georgiy Logvinskiy parlamette Qırımnı ilhaq etkeni sebebinden Rusiye prezidenti saylâvlarınıñ tanılmamasınen bağlı qarar leyhasını qayd ettirgen ediler. Martnıñ 18-nde Rusiyede ve ilhaq etilgen Qırımda prezident saylâvları ötkerildi. Читать дальше...
Qırımda yerleştirilgen Rusiye orduları gruppirovkasınıñ terkibi, onıñ ucüm operatsiyalarına doğrultılğanı aqqında söylemege imkân bere, deye tüşüne arbiy tarifleyici Pavel Felgengauer. Bu fikirni o, Qırım.Aqiqat Radiosı yayınında bildirdi. «Qırımda bugün küçlü bir Rusiye gruppirovkası yerleştirilgen. Şu cümleden zemaneviy T-72B3 tankları (sovet tankınıñ zemaneviy modifiktsiyası) bar. Olarnıñ maqsadı, sail mudafaası olmayıp, Qırımdan ucüm etmek olğanı açıq-aydındır. Aviatsiya ve flot, bir taraftan... Читать дальше...
Ukraina Telükesizlik hizmetiniñ (SBU) hadimleri Qırım ile memuriy sıñırdaki «Kolonçak» keçirüv noqtasında Ukraina Arbiy deñiz quvetleriniñ (ADQ) sabıq miçmanını yaqaladılar. Bunı mart 22-de SBUnıñ matbuat hizmeti bildire. Muessisede, qadınııñ askerlikten qaçuvda qabaatlanması boyunca qıdırılğanını bildirdiler. Bildirüvde: «Uquqqoruyıcılar, Ukraina Silâlı quvetleri (USQ) terkibindeki Arbiy deñiz quvetleriniñ sabıq miçmanı olğan qadın 2014 senesinde Ukraina Mudafaa nazirligi ve USQ Baş ştabınıñ emrine binaen devletniñ qıtadaki qısmına qaytmadı.
Qırımtatar faali Narima Memedeminovnı martnıñ 22-nde evinde tintüv ötkergen soñ, Aqmescit FSB idaresine sorğulamaq içün alıp kettiler. Bu aqta onıñ ömür arqadaşı Lemara «Qırım birdemligi»niñ Facebook saifesinde yerleştirilgen videoda haber etmekte. «Onı sorgulamaq içün Aqmescitteki Rusiye FSBsi binasına alıp kettiler dep ayttılar, amma qoyıp yibereceklermi, yoqmı, ondan soñ belli olur. 2014 senesi blogger olaraq video derc etip YouTubete paylâşqanı içün oña qarşı cinayet işi açıldı (Rusiye Cinayet Kodeksiniñ 205.2 maddesiniñ 2 qısmı)... Читать дальше...
Martnıñ 22-nde Bağçasaray rayonı Zalanköy (Holmovka) köyüniñ sakini, qırımtatar faali Narima Memedeminovnıñ evine, rusiyeli küç idaresinin hadimleri ve uquqqoruyıcılar keldi. Bu aqta martnıñ 22-nde «Qırım birdemligi» cemaat teşkilâtınıñ Facebook saifesinde haber etilmekte. Faalniñ bergen malümatina köre, Memedeminov yaşağan evniñ etrafı qamaşavğa alınğan, avtozaklar kelgen, küç idaresiniñ çeşit strukturaları mevcut, Nariman Memedeminovnıñ evinden ğayrı, bütün soqaq sarılıp alınğan. ««Qırım... Читать дальше...