Ukrainada AQŞ elcisi Mari Yovanoviç, Vaşington ilhaq etilgen Qırımda da ötkerilmesi planlaştırılğan Rusiye prezidentiniñ saylavını tanımaycaq, dep bildirdi. Bunı o, Ukrainadaki «Prâmoy» kanalınıñ efirinde söyledi. Yovanoviç: «Menim fikrimce, Qırımda bütün saylavlarğa qarşı olğanı kibi – bu saylavlarnı evelden iza etkenimizde qullanğan usulımızğa köre, biz olarnı tanımadıq», – dedi. Rusiye prezidentiniñ saylavı 2018 senesi mart 18 kününe – Qırımnıñ Rusiye tarafından ilhaqınıñ yıllığına tayın etildi. Читать дальше...
Ukraina Medeniyet nazirligi qırımtatar örnegini Milliy maddiy olmağan medeniy miras cedveline kirsetti. Bunı martnıñ 3-nde muessiseniñ matbuat hizmeti bildire. Medeniyet nazirliginde, örnekniñ içine esas olaraq ösümlikler tarzında ve geometrik harakterinde olğan simmetrik ve assimetrik şekilde yerleştirilgen birleşken küçük elementler kire, dep añlattılar. Aynı vaqıtta örnekniñ farqlı elementleri umumiy manalı merkezge birleşip, bir-birini quvetlerştire ya da yañı işaretlerni teşkil eteler. Muessiseniñ bildirüvinde... Читать дальше...
İlhaq etilgen Qırımda yerleştirilgen Rusiye arbiyleriniñ sayısı 30 biñ qadar kişini teşkil ete. Bunı Qırım.Aqiqat Radiosı içün bergen intervyüde arbiy ekspert, Ukraina Silâlı quvetleri ştabınıñ sabıq spikeri Vladislav Seleznöv söyledi. Onıñ aytqanına köre, daa doğru raqamlarnı söylemek mumkün degil, «çünki olar keşfiyat harakterine malikler». Ondan ğayrı, Seleznövniñ aytqanına köre, Rusiye yarımadanıñ territoriyasında faal surette zemaneviy silâlarnı yerleştire. «Bu em Ava mudafaası vastaları ve şu cümleden S-400 «Triumf» kompleksi... Читать дальше...
İlhaq etilgen Qırımnıñ sabıq prokurorı, şimdi Rusiye Devlet dumasınıñ deputatı Natalya Poklonskaya yañı Rusiye silâlarına berilecek adlar içün öz variantlarını teklif etti. Bu silâlar aqqında Rusiye prezidenti Vladimir Putin martnıñ 1-nde Federal toplaşuvğa yönetilgen mesajında ikâye etti. Poklonskayanıñ fikrine köre, arbiy lazer kompleksiniñ adını «Krım» ve pilotsız suvaltı apparatınıñ adını «Sevastopol» qoyılmaq kerek. Bunı sabıq prokuror özüniñ Facebooktaki saifesinde yazdı. Daa evel Rusiye... Читать дальше...
Teatr ve kino aktrisası Liya Ahecakova, Rusiyede «terrorizm» içün mahküm etilgen rejissör Oleg Sentsovnı, «siyasiy ayın-oyunlar» içün qullanıla bilecek rein saya. Bunı aktrisa «Qırım.Aqiqat TV» içün bergen intervyüde söyledi. Ahecakova: «Maña köre, o, nasıldır rein… men bilmeyim, bu siyaset, ya da nasıldır ayın-oyunlar. Ukrainağa qarşı yapılğanlar, men buña ne deycegimi de bilmeyim. O, bizim bugünki bütün milliy ğayemizniñ reinidir. Ve bu, umumen, abayladıñızmı – qaşqır avı yapıla, medeniyet erbaplarınıñ avı? Читать дальше...
Keçken afta içinde Kremlniñ kontroli altında olğan Qırım Rosselhoznadzorı (Veterinariya ve fitoveterinariya nezareti boyunca federal hizmet) inspektorları ilhaq etilgen Qırımğa 150 kilogrammdan ziyade erzaq ve üç ayvannı yibermediler. Bunı muessiseniñ matbuat hizmeti bildire. Muessisede, mahsulat ve ayvanlarnıñ Ukrainanıñ qıtadaki territoriyasına qaytarğanlarını ilâve ettiler. Rosselhoznadzornıñ malümatına köre, bu yılnıñ başından Ukrainanıñ qıtadaki qısmına umumen 1694 kg mahsulat qaytarıldı. Читать дальше...
2014 senesi mart 3 künü. Rusiye işğaliniñ birinci künleri. Reşat Ametov Qırım ükümetiniñ binası yanına bir kişilik piketke çıqtı. Tamam o vaqıtta kamuflâj uniformalı belli olmağan şahıslar, faaliyetçini yaqalap, zornen maşinağa alıp kettiler. Bunıñ nasıl olğanını aqılımızğa ketiremiz.
Qırımda qomşu Rusiyeniñ prezidenti saylavına davetnamelerni poçta qutularına dağıtıp başladılar. Bunı martnıñ 3-nde Qırım.Aqiqat muhbiri bildire. Muhbirniñ aytqanına köre, davetnameler keyfiyetli bir cilâlı kâğıtta poçta kartı şeklinde Rusiye Merkeziy saylav komissiyasınıñ reisi Ella Pamfilovanıñ imzası ile bastırıldı. İnsan aqları boyunca Qırım alâqa gruppasınıñ koordinatorı Abdureşit Cepparov: «Qırımda saylav aldı kampaniyası surat alıp ilerley. Amma onda saylavcılarnıñ kelmesine esas diqqat ayırıla. Читать дальше...
Kamenka qasabası. 2014 senesi mart 3 künü. Bir qaç yüz Qırım qadını Aqmescitten çıqış yolunda barışıq içün ve Rusiyeniñ Qırımnı istilâ etkenine qarşı tedbir ötkerdiler. Olar Ukraina bayraqları, şarlar ve «Qırım Ukrainadır», «Cenkleşmek degil de, sevmek» «Putin, stop!», «Biz balalarımıznı baht ve barışıq içün östüremiz», «Qırımtatarlar, ruslar, ukrainler barışıq isteyler» ve diger lozunglar ile avtotrassa boyu tizizilip turdılar. Bunıñ nasıl olğanını aqılımızğa ketiremiz.
2017 senesinde Aqyar ealisiniñ artuvı qararnen 9 biñ kişini teşkil etti. Bunı Kremlniñ kontroli altında olğan Krımstat bildire. Muessiseniñ bildirgenine köre, 2000 senesinden başlap şeerde ealiniñ migratsion artuvı közetile. Bunıñ sayesinde 17 yıl içinde şeerniñ ealisi 57,2 biñ kişige arttı. Şu cümleden 2017 senesinde migratsiya saldosı 8,7 biñ kişini teşkil etti. Bildirüvde: «2017 senesinde migratsiyanıñ bütün ceryanları boyunca kelgenlerniñ sayısı 20205 kişi ve ketkenlerniñ sayısı 11472 kişini teşkil etti. Читать дальше...
