Türkiye Büyük Milliy Meclisiniñ Milliy müdafaa meseleleri boyunca komitetiniñ azaları ve Türkiye-Ukraina dostluğı grubunıñ azaları Ukraina Yuqarı Radasınıñ Türkiye Cumhuriyeti ile parlamentlerara münasebetleri boyunca deputatlar eyetiniñ yolbaşçısı Boris Tarasük ile körüşüvleri esnasında: Türkiye Cumhuriyeti, Ukrainanıñ topraq bütünligi, suverenitetiniñ tiklenilmesi ve Qırım ilhaqınıñ tanılmamasına dair münasebetini deñiştirmedi, – dep bildirdiler. Yanvar 26-da Yuqarı Radanıñ saytında bildirilgenine köre... Читать дальше...
Baydar uvasındaki Baydar (Orlıne) köyünde 2015 senesiniñ yanvarinde Rusiye telükesizlik hadimleri ilk Qırım musulmanlarını tevqif etti. Olarnı, İslâmnı zornen kenişletilmesini red etken, lâkin Rusiyede terroristik ilân etilgen «Hizb ut-Tahrir» teşkilâtında iştirak etkenlerinde qabaatladılar. 2014 senesinden başlap, Qırımda endi 25 kişi «Hizb ut-Tahrir işi»niñ figurantı oldı. Qırımtatarlarda barışıqlı narazılıqlarını köstermek içün qalğan yekâne yol, siyasiy mabüslerniñ alı içün cemaatnen dua oqumaqtır. Читать дальше...
Ukraina prezidenti Petro Poroşenko, 2021 senesinde ülke Avropa Birliginde azalıq perspektivasını alacağına eminligini ifade ete. Yanvarniñ 26-sında Davostaki iqtisadiy forumnıñ çerçivesinde yapqan çıqışından soñ Poroşenko: «Men bütünley eminim ki, Avropa skeptikleriniñ populizminden soñ er şey yahşı olacaq. 2021 yılında deñişecek tek şey – Ukrainanıñ Poloniya ve Litva yardımınen Avropa Birliginde azalıq perspektivasınıñ elde etmesidir», – dedi. Keçken ayda Poroşenko «yaqın kelecekte» Ukrainanıñ... Читать дальше...
Ukraina eyeti Rusiyeniñ Avropa Şurasınıñ Parlament assambleyasına (PASE) qaytmasını toqtata bildi. Bunı yanvarniñ 26-nda Ukraina Yuqarı Radasınıñ AŞPAdaki daimiy eyetiniñ yolbaşçısı, assambleya prezidentiniñ yardımcısı Volodımır Aryev Facebooktaki saifesinde bildirdi. Ukraina Yuqarı Radasınıñ AŞPAdaki daimiy eyetiniñ yolbaşçısı Rusiyeniñ halqara müessiseler ve şu cümleden Avropa Şurasına qaytmaq teşebbüsine «blitskrig» dedi. Bildirüvde: «Biz Rusiyeniñ AŞPAğa qaytuv boyunca blitskrigni toqtata... Читать дальше...
Advokat Nikolay Polozov Qırım.Aqiqat içün bergen izaatta, Qomşu Rusiyeniñ territoriyasında Qırımtatar Milliy Meclisi reisi muavinleri Ahtem Çiygoz ve İlmi Umerovnıñ uquqiy statusı belli degil, çünki olarnıñ afu etilüvi aqqında vesiqalar gizli qalmaqta. Bu azat etilgen şahıslar Rusiye tarafından ilhaq etilgen Qırımda taqip etile bileler, dep tahmin etti. Advokat: «Qırımğa ketmek içün uquqiy statusnı tayin etmek kerek. Bu hususlar tayin etilmegence Qırımğa baruv belli bir zorluqlar ile qarşılaşa bile. Читать дальше...
Avropada telükesizlik ve emekdaşlıq boyunca teşkilât yanında AQŞ işlerinde muvaqqat vekil Harri Kamian Rusiye tarafından ilhaq etilgen Qırımdaki vaziyetke dehşetli dedi. Yanvarniñ 25-nde Venada OSCEniñ Daimiy şurasıda yapqan çıqşta o, Rusiyeni halqara mecburiyetlerini eda etmege, yarımadağa halqara közeticilerni yibermege, qırımtatarlar ve diger faaliyetçilerniñ taqiplerini toqtatmağa ve em de «Qırımnıñ işğalini toqtatmağa» davet etti. Kamian: «Ükümetke bağlı olmağan Freedom House teşkilâtı Rusiye... Читать дальше...
Kreml sabıq prezident Viktor Yanukoviçniñ mahkemesini, 2014 senesi fevral ayındaki vaqialarnı, şu cumleden Qırımnen bağlı olğan qısmını da ğayrıdan yazıp öz propagandasını qabul ettirmek içün qullana, dep beyan etti Qırım.Aqiqat Radiosına Qırımnıñ sabıq baş naziriniñ muavini, «Sila prava» cemaat teşkilâtınıñ reisi Andrey Sençenko, yarımada ükümetiniñ yolbaşçısı Anatoliy Mogilövnıñ mahkemede şaatlıq yapqanda aytqanlarına izaat bererek. «Viktor Yanukoviçniñ şimdiki mahkemesi Kremlniñ propaganda kampaniyasına çevirildi. Читать дальше...
Moskva şeeri Tverskoy rayon mahkemesi qırımtatar Milliy Meclisiniñ muavinleri Ahtem Çiygoz ve İlmi Umerov adından Rusiye prezidenti Vladimir Putinniñ memuriyetine berilgen memuriy davasını qabul etmegen. Dava imayeci tarafınıñ istegine binayen Rusiye prezidentiniñ, olarnıñ af etilüvinen bağlı fermanen alâqalı edi, dep iza etti Qırım.Aqiqatqa rusiyeli advokat Nikolay Polozov. «Qadınıñ, Rusiye Federatsiyasınıñ prezidenti, mahkeme tarafından taqip etilüvden muaf degeni, bizim işnen alâqalı degil. Читать дальше...
Avropa Şurasınıñ Parlament assambleyası Rusiyeden, ilhaq etilgen Qırım ve işğal altındaki Dondassnen bağlı meseleler boyunca PASE rezolütsiyasını eda etmesini talap etti. Bu aqta yanvarniñ 26-nda PASEdeki Ukraina Yuqarı Radasınıñ daimiy temsilciliginiñ reberi, assambleyanıñ vitse-prezidenti Volodımır Aryev, özüniñ Facebook saifesinde haber etmekte. «PASE ukarain eyyetiniñ «Monitoring protsedurasınıñ inkişafı» adlı rezolütsiyasınen bağlı muim tüzetüvlerine qol tuttı. Donbasstaki tecavuz ve Qırım ilhaqı tekrar hatırlatılğanından ğayrı... Читать дальше...
Kreml nezaretindeki Aqmescit Merkeziy rayon mahkemesi «26 fevral işi»nen bağlı otırışuvnı fevralniñ 8-ne avuştırdı. Otırışuv yerli vaqıtqa köre saat 10:00 başlanacaq. Bu aqta Qırım.Aqiqatqa Azatlıq Radiosınıñ rusiyeli muhbiri haber etmekte. Otırışuvnıñ avuştırıluvı, qadınıñ mesleatlaşuv odasına başqa iş boyunca ketkeninen bağlı. Daa evelki otırışuv «26 fevral işi» figurantları olğan Mustafa Degermencinen Ali Asanovnıñ ev apsini eki ayğa, yani 2018 senesi aprelniñ 7-ne qadar uzatqan edi. Prokuror mahkemeden... Читать дальше...
Yarımadada Rusiye ordusınıñ istilâsı esnasında neler olıp keçe edi?
Yanvarniñ 26-nde Kyivdeki rusiye elçihanesi ögünde faaller «Bir ses artında - bıñ ses bar, yalıñız RF akimiyeti susıp otura» şiar altında bir aktsiya keçirdi. Bu aktsiya Find and Free («Tapmaq ve azat etmek») kampaniyası çerçivesinde, Qırımda ğayıp olğan ve tutulıp alınğanlarnıñ azat etilüvine baqtırılıp ayda bir keçirilgen 19-ncı aktsiyadır. Bu aqta Qırım.Aqiqat muhbiri haber etmekte. Aktsiya zarfında 10-ğa yaqın faal elçihane binası ogünde birer-birer sırağa tizilip, ellerinde Rusiyeden, 2014... Читать дальше...
ABD ilhaq etilgen Qırımğa nisbeten kirsetken sanktsiyalar 33 devletten kelgen iş adamlarınıñ Qırımda çalışmasına keder etmey, dep ayta Kreml nezareti altındaki Qırımnıñ yolbaşçısı Sergey Aksönov. «ABD eski sanktsiyalarnı uzatıp yañısı kirsetkence, Yalta halqara iqtisadiy forumı aprel ayında 50-60 devletten kelgen 500 temsilcini qabul etmege planlaştıra. Bıltırğa köre bu daa da ziyade, çünki o zaman YHİFda 46 devletten kelgen 200den ziyade musafir iştirak etken edi», – dep qayd ete Aksönov. Onıñ sözlerine köre... Читать дальше...
Herson vilâyeti Geniçesk rayonı Novoalekseyevka qasabasında fevralniñ 1-nde memuriy hızmet berecek merkezniñ açılışınen bağlı cemaat diñlevleri ötkerilecek. Bu aqta özüniñ Facebook saifesinde Ukraina prezidentiniñ Qırım Mutar Cumhuriyetindeki temsilcisi Boris Babin yazmaqta. «Eger cemaatçılıq maqullese, bu Qırımğa yaqın yerleşken ve kesen-kes 2018 senesi açılacaq dördünci Memuriy hızmet berüv merkezi (MHBM) olacaq», – dep qayd ete Babin. Novoalekseyevka territorial cemiyetine esaslanğan «Novıy vizit» neşiri qayd etkenine köre... Читать дальше...
Yanvarniñ 25, cumaaqşamı künü saba saatlarında Kreml nezaretindeki Qırım küç idaresiniñ hadimleri yarımadanıñ Canköy sakini Enver Kroş ve Seitler rayonı Seitler Vaqıf köyüniñ sakini Ebazer İslâmovnıñ evlerinde tintüv yaptılar. «Qırım birdemligi» cemaat teşkilâtınıñ malümatına köre, eki adamnı da yerli rusiyeli politsiya bölüklerine alıp ketkenler. Faal Server Mustafayev Qırım.Aqiqatqa ikâye etip bergenine köre, qırımlılarnıñ evindeki tintüvler ictimaiy ağlarda derc etilgen malümatlarnen alâqalı eken. Читать дальше...
Balıqlava rayonınıñ Baydar (Orlıne) köyünde yanvarniñ 25-nde siyasiy mabüsler ve repressiyalarğa oğrağan qırımtatar faaliyetçileri ve musulmanlar içün cemaat duası yapıldı. Dua birinci «Hizb ut-Tahrir» figurantları apis etilgen kününiñ yıllığında yapıldı. Ruslan Zeytullayev, Nuri Primov, Rustem Vaitov ve Ferat Sayfullayevniñ tevqif etilgenleri yıllığında Baydarğa dua etmek içün Saq ve Aqmescit rayonları, Bağçasaray ve Qırımnıñ diğer yerlerinden qırımtatarlar keldi. Halqara siyasiy İslâm teşkilâtı «Hizb ut-Tahrir»niñ vekilleri öz vazifesini... Читать дальше...
Aqmescit rayonınıñ sakinini internet-radioda nefretniñ qozğatuvında qabaatlaylar
Yanvarniñ 24-nde Aqmescit rayonınıñ Novıy Mir köyünde tintüvden soñ yaqalanğan qırımtatar İsmail Ramazanovnı degil yalıñız köteklemek, aynı zamanda tıbbiy yardım köstermeyip, aşsız ve suvsuz 40 saat tuttılar. Bunı «Qırım birdemligi»niñ faaliyetçisi Server Mustafayev bildire. Bu malümatnı o, yanvarniñ 25-nde Qırım.Aqiqat Radiosınıñ canlı yayınında paylaştı. Faaliyetçi: «İsmail Ramazanovnı, sağlığınıñ vaziyetine baqmadan, telükeli ilân etip, ev apisine yibermediler. Malümatımızğa köre, oña aman-aman 40 saat aş ve suv bermediler. Читать дальше...
