Mahkeme otırışuvı esnasında evinde tintüvden soñ tutulıp alınğan Aqmescit rayonı Novıy Mir köyüniñ sakini qırımtatar İsmail Ramazanov, Qırımdaki Rusiye FSB idaresiniñ hadimleri tarafından köteklengenini beyan etti. Bu aqta yanvarniñ 24-nde Qırım.Aqiqat muhbiri haber etmekte. «Köteklevden ğayrı iç bir hastalığım yoq. Meni FSB hadimleri kötekledi. Saba ana-babamnıñ evinde ve malüm olmağan yönelişte alıp ketken vaqıtta maşna içinde de köteklediler. Yardım istep muracaat ettim, lâkin ekimler qatiyen yardım köstermediler. Читать дальше...
Aqmescit rayonınıñ Novıy Mir köyünde yaşağan qırımtatar İsmail Ramazanovnıñ evinde tintüv keçirilgen soñ, o milletlerara zıddiyet çıqaruv ve nefret doğıruvnen bağlı malümatlar tarqatuvda qabaatlanmaqta. Rusiyeli küç idaresi hadimleriniñ versiyasına köre o, malümatnı Zello internet-radiosı vastasınen tarqatğan eken. Qırım.Aqiqatqa rusiyeli Azatlıq.Radiosınıñ muhbiri haber etkenine köre, küç idaresiniñ hadimlerinde Ramazanovqa ait ve «ekstremizm alâmetleri» olğan audioqayd mevcut eken. Bu arada Ramazanovnıñ babası... Читать дальше...
Ukraina tış işleri nazirligi Rusiyeden, daa evel Şimaliy-Kavkaz okrugınıñ arbiy mahkemesi otırışuvlarında iştirak etmek içün Qırımdan Rostov na-Donu şeerine keçirilgen Yaltalı «Hizb ut-Tahrir işiniñ»altı figurantını azat etmesini talap ete. «İlk-evelâ Rusiye ukrain vatandaşlarını Qırımdan hırsızlap aldı, şimid ise – nevbetteki mahkeme. Narazılıq bildirip azat etilmelerini talap etemiz», – dep yaza Betsa. Yanvarniñ 24-nde Şimaliy-Kavkaz okrugınıñ arbiy mahkemesinde Yaltalı «Hizb ut-Tahrir işiniñ»... Читать дальше...
Rusiye paytahtındaki Moskva şeer mahkemesi Roman Suşenkonıñ tevqif müddeti 2018 senesi martnıñ 30-na qadar uzattı, dep haber ete advokat Mark Feygin. «Moskva şeer mahkemesi Roman Suşenkonıñ apiste qaluv müddetini 2018 senesi martnıñ 30-na qadar uzattı», – dep yaza advokat Twitterde. Onıñ sözlerine köre, mahkeme qararı yanvarniñ 25-nde temyiz etilecek. Moskva şeer mahkemesi Suşenkonıñ tevqif müddetinen hususındaki evelki qararlarınen bağlı şikâyetni red etken. FSB sentâbrniñ 30-nda Moskvada ukrain jurnalisti... Читать дальше...
Yanvarniñ 24-nde qırımtatar Milliy Meclisi reisiniñ muavinleri İlmi Umerov ve Ahtem Çiygoz, Avropa Parlamentinde Rusiye tarafından ilhaq etilgen Qırımda insan aqlarınen bağlı vaziyetke bağışlanğan diñlevlerde çıqış yapacaqlar. Brüsselde AB qanun çıqaruv organındaki diñlevlerde, Avropa Parlamentiniñ yarımadada uquq bozıluvlarnıñ ögüni aluv ve temel aqlarnıñ imaye etilüvine yardım etüv mevzuları da muzakere etilecek. Avropa Parlamentiniñ insan aqları alt komitetinde keçecek muzakereler esnasında... Читать дальше...
Kreml nezaretindeki Qırım Yuqarı mahkemesi «Qırım birdemligi» faallerinden biri olğan Rustem Osmanovnıñ appelâtsiyasını red eterek, 10 biñ ruble (4,7 grivnağa yaqın – QA) miqdarındaki cöremeni deñiştirmeden qaldırdı. Bu aqta birleşmeniñ Facebook sayfesinde söz yürsetilmekte. «Qırım birdemligi»niñ malümatına köre, imayeci taraf bir qaç ariza bermesine rağmen, olarnıñ iç birisi qanaatlendirilmegen. 2017 senesi dekabrniñ 11-nde Bağçasaray rayon mahkemesi faalni « kütleviy tedbir keçirüv tertibini... Читать дальше...
Rusiyeli sıñırcılar Ermenibazarda Ekinci cian cenki devrine ait cephane tapqanlarını iddia etmekteler. Bu aqta «Krıminform»ğa dayanaraq, Rusiye FSBsi Qırım sıñır idaresiniñ matbuat hızmeti haber etmekte. «Şeerniñ şimaliy-ğarbiy tarafında yerleşken yazlıq evler bölgesinde ötkerilgen tedbirler neticesinde yerge kömülgen ve içinde 162 dane patron bulunğan tselofan paket tapıldı», – denilmekte haberde. Sıñırcılar qayd etkenine köre, ihtimal patronlar TT pıştavından ve Şpagin pıştav-Rusiye sıpulemötından (PPŞ) ateş açmaq içün qullanılğandır. Читать дальше...
Qırım Muhtar Cumhuriyetiniñ prokuraturası Rusiye tarafından ilhaq etilgen yarımadada insan aqlarınıñ bozıluvınen bağlı anonim haberler yollanılması içün – sayttaki elektron şekil ve Skype vastasınen online-videobağ olaraq -yañı hızmet şekli çalıştırıp başladı, dephabere ete. «Prokuraturanıñ resmiy saytında Qırım sakinleriniñ aqları bozıluvı, olarğa qarşı yapılğan arbiy cinayet ve insanlıqqa qarşı yapılğan cinayetlernen bağlı anonim haberler yollanılması içün elektron şekil azırladı», – denilmekte haberde. Читать дальше...
Rusiye prezidenti Vladimir Putin içün yaqında olacaq saylâvlarda Qırım nasıl rey berecegi pek muim, çünki bu oña ne derece qol tutulğanınıñ köstergiçi olacaqtır. Bunı Rusiyeli «Eho Moskvı» radiostantsiyasınıñ baş muarriri Aleksey Venediktov «Golos Ameriki»ge bergen intervyusında beyan etti. Onıñ sözlerine köre, bundan evel keçken Rusiye prezidentiniñ saylâvları Qırımnıñ ilhaqından evel yani 2012 senesi, «Vladimir Putinniñ avdeti» şiarı altında keçken edi. «Vladimir Vladimiroviç reyler içün küreşmey: o, oña qol tutulacağını pek yahşı bile. Читать дальше...
