19 апрельдә Башкортстанның Бөре районы Вязовка авылында фермерның абзары янган. 80 сарык, 8 бозау, 50 тавык яна, 20 сарыкны хуҗа – 54 яшьлек фермер коткара алган. Аның үзенең кулы пешкән. Бу хакта Башкортстан буенча МЧС хәбәр итә.
1,2 мең квадрат метрлы мәйданда бер түбә астындагы гараж, мунча, сарай янган. Янгын зарядкага куелган автомобиль аккумуляторыннан чыккандыр дип фаразлыйлар.
