«Һава торышы»ның элекке алып баручысы Ләйсән Шәрифуллина «Ирек мәйданы» газетасына гаилә хәлләре турында сөйләгән:
– 22 ноябрьдә беренче тапкыр әни булдым. Хәзер инде без өйдә. Кызыбызның да, үземнең дә хәлебез яхшы. 1нче балалар тудыру йортында килешү нигезендә таптым. Шушы көннәрдә исем куштырдык. Әнием Лилиягә туры китереп, кызыбызга Лея исемен сайладык. Күз тиюдән куркып, кешегә сиздермәскә тырыштым. Бәхет бит тынычлыкны ярата.
