Այսօր Իրան է ժամանել Ատոմային էներգիայի միջազգային գործակալության (ՄԱԳԱՏԷ) ղեկավար Յուկիա Ամանոն: Նա Թեհրանում հանդիպել է Իրանի արտաքին գործերի նախարար Մոհամադ Ջավադ Զարիֆին և իրանցի այլ բարձրաստիճան պաշտոնյաների: Այցի նպատակն է պաշտոնյաների և գիտնականների հետ հանդիպումների միջոցով պարզել՝ արդյո՞ք Իրանը հավատարիմ է միջուկային հարցով համաձայնությունից հետո ներկայացրած հավաստիացումներին:
Իրանի պետական հեռուստաընկերության հաղորդմամբ, երկրի հարավում և մայրաքաղաք Թեհրանում տեղացած հորդառատ անձրևների պատճառով ծայր առած հեղեղումները 10 մարդու կյանք են խլել: Վեց մարդ զոհվել է Թեհրանում, չորսը՝ հարավային Հորմոզգան նահանգում: Առնվազն ութ մարդ անհետ կորած է համարվում: Իշխանությունները վերջին տարիներին հեղեղների զոհերի թվի ավելացումը վերագրում են գետերի ափերին առանց շինարարության չափանիշների պահպանման կառույցների ավելացմանը և Իրանում անտառային ծածկույթի մակերեսի կրճատմանը:
Ռուսաստանի նախագահ Վլադիմիր Պուտինը իր աջակցությունն է հայտնել Բելառուսի տարածքում նոր ավիաբազա ստեղծելու՝ կառավարության նախաձեռնությանը: Ռուսաստանը արդեն իսկ երկու ռազմական օբյեկտ ունի Բելառուսի տարածքում․ ռադիոլոկացիոն կայան և սուզանավերի կոմունիկացիոն կենտրոն: Ավիաբազայի ստեղծմամբ՝ ԽՍՀՄ փլուզումից ի վեր առաջին անգամ Բելառուսում մեծամասշտաբ ռազմաբազան կտեղակայվի: Այս մասին տեղեկատվությունը հրապարակվում է Ռուսաստանի և Արևմուտքի միջև հարաբերությունների շարունակական վատթարացման ֆոնին, ինչը պայմանավորված... Читать дальше...
Հազարավոր փախստականներ ավտոբուսներով ու գնացքներով ժամանել են Ավստրիա: Ավստրիական ոստիկանության տեղեկություններով, Հունգարիայից սեպտեմբերի 19-ին երկիր է մուտք գործել 11,000 փախստական, իսկ սեպտեմբերի 20-ին՝ 4,700: Կարմիր խաչի տվյալներով, այս օրերին Ավստրիա ժամանած փախստականներից մոտ 2,000-ը ճանապարհը շարունակել և մուտք է գործել Գերմանիա:
Հունաստանում այսօր խորհրդարանական ընտրություններ են անցկացվում, որոնք այս տարվա ընթացքում արդեն երրորդն են: Հարցումների համաձայն, պահպանողական «Նոր ժողովրդավարություն» կուսակցությունը և նախկին վարչապետ Ալեքսիս Ցիպրասի ձախակողմյան «Սիրիզա» կուսակցությունը գրեթե հավասար աջակցություն են վայելում: Օգոստոսին 41-ամյա Ցիպրասը հրաժարական տվեց և հայտարարեց նոր ընտրությունների նշանակման մասին Հունաստանին հակաճգնաժամային աջակցություն տրամադրելու շուրջ Եվրոպական միության հետ յոթ ամիս շարունակված լարված բանակցություններից հետո... Читать дальше...
ԱՄՆ պետքարտուղար Ջոն Քերրին մտահոգություն է հայտնել Սիրիայում ռուսաստանյան ռազմավարական օդանավերի տեղաշարժերի կապակցությամբ: Խոսելով Լոնդոնում Բրիտանիայի արտգործնախարար Ֆիլիպ Համոնդի հետ հանդիպումից հետո` Քերրին կարծիք է հայտնել, որ ռուսական կործանիչները սպառնալիք են ԱՄՆ-ի և նրա դաշնակիցների զինված ուժերի համար: Ամերիկացի պաշտոնյաները պնդում են, որ սեպտեմբերի 18-ին Ռուսաստանը փոքր թվով ռազմական օդանավեր է տեղակայել Սիրիայում: «Օդային մարտեր մղելու ունակ ինքնաթիռների և երկիր – երկինք հրթիռների առկայությունը լուրջ հարցեր է առաջացնում»... Читать дальше...
Հռոմի Ֆրանցիսկոս պապը ժամանել է Կուբա, որտեղ սեպտեմբերի 19-ին հանդիպել է նախագահ Ռաուլ Կաստրոյի հետ: Հռոմի պապը ողջունել է «տարիներ շարունակված օտարումից հետո» վերջին շրջանում Կուբայի և Միացյալ Նահանգների միջև հարաբերությունների բարելավումը: Ֆրացիսկոս պապը երեք օր կանցկացնի Կուբայում, այնուհետև կմեկնի Միացյալ Նահանգներ, որտեղ նախատեսվում են նրա ելույթները ԱՄՆ Կոնգրեսում և ՄԱԿ-ի Գլխավոր ասամբլեայի հերթական նստաշրջանում:
