ԵԱՀԿ Մինսկի խմբի ամերիկացի համանախագահ Ջեյմս Ուորլիքը Թվիթերի իր միկրոբլոգում հերթական հայտարարությունն է տարածել հայ-ադրբեջանական վերջին բախումների վերաբերյալ: «Վստահելի տեղեկատվություն կա այն մասին, որ երկու կողմերն էլ վերջերս ականանետներ են օգտագործել, ինչը հանգեցրել է քաղաքացիական անձանց մահվան: Իրավիճակը սրումը լուծում չէ», - գրել է Ուորլիքը:
Մեծ Բրիտանիան պատրաստ է առաջիկա ամիսներին շուրջ 15 հազար սիրիացի փախստականների ընդունել իր տարածքում: Այս մասին այսօր գրել է լոնդոյան Sunday Times պարբերականը` հավելելով, որ չի բացառվում, որ նրանք Միացյալ Թագավորություն ժամանեն Սիրիայի հետ սահմանին գտնվող փախստականների ճամբարներից` Հորդանանից, Թուրքիայից և Լիբանանից: Այս տարեսկզբից ի վեր Մեծ Բրիտանիան ապաստան է տրամադրել սիրիացի ընդամենը 216 փախստականների` ինչը անհամամատ ավելի քիչ է քան Գերմանիայի, Ֆրանսիայի կամ Շվեդիայի պարագայում:
Հռոմի պապ Ֆրանցիսկոսն այսօր Վատիկանում` կիրակնօրյա ժամերգության ավարտին, հանդես է եկել հատուկ կոչով` դիմելով Եվրոպայի բոլոր կրոնական համայնքներին, մենաստաններին և եկեղեցիներին: «Ամեն եկեղեցական ծուխ պետք է ապաստան տրամադրի փախստականների մեկ ընտանիքի», - նշել է Ֆրանցիսկոսը: Կաթոլիկ եկեղեցու հովվապետի խոսքով աշխարհի ամենափոքր պետություն հանդիսացող Վատիկանի երկու եկեղեցական ծխերից յուրաքանչյուրը առաջիկա օրերին ապաստան կտրամադրի փախստականների մեկական ընտանիքի:
«Սիրիայում Ռուսաստանի զինված ներկայության հնարավոր ամրապնդումը կարող է բացասական հետևանքներ ունենալ», - անցած գիշեր Ռուսաստանի արտաքին գործերի նախարար Սերգեյ Լավրովի հետ կայացած հեռախոսազրույցի ժամանակ հայտարարել է Միացյալ Նահանգների պետքարտուղար Ջոն Քերին: «Եթե Սիրիայում ռուսական ռազմական ներկայության մասին տեղեկությունները հաստատվեն, ապա այդ քայլը կարող է հանգեցնել հակամարտության հետագա թեժացմանը, նորանոր անմեղ կյանքերի կորստին, փախստականների թվի աճին և «Իսլամական պետության» դեմ գործող կոալիցիայի անդամների հետ բախման»... Читать дальше...
Քիշնևում հանրահավաք է անցկացվում Մոլդովայի իշխանությունների դեմ: Բողոքի ակցիայի կազմակերպիչների՝ «Արժանապատվություն և արդարություն» շարժման տվյալներով, փողոց է դուրս եկել շուրջ 100 հազար մարդ: Ցուցարարները պահանջում են վերադարձնել 1 միլիարդ եվրո գումարը, որը երկրի երեք կոմերցիոն բանկերից դուրս է գրվել չապահովված վարկերի տեսքով: Այլ պահանջների թվում են Ազգային բանկի, Գլխավոր դատախազության, Հակակոռուպցիոն հանձնաժողովի, Բարձրագույն դատական պալատի հրաժարականները, պետական ինստիտուտների բարեփոխումների անցկացումն ու խոսքի ազատության ապահովումը... Читать дальше...
«Ադրբեջանի զինված ուժերը, նպատակ ունենալով ստուգել բոլոր տեսակի զորամիավորումների մարտական պատրաստվածությունը, կիրակի օրը լայնամասշտաբ զորավարժություններ են են սկսել», - ադրբեջանական Trend գործակալության փոխանցմամբ՝ հայտարարել է Ադրբեջանի պաշտպանության նախարարությունը: Ըստ հաղորդագրության, զորավարժությունները կշարունակվեն մինչև սեպտեմբերի 13-ը, դրանցում ներգրավված կլինի 65 հազար զինծառայող, շուրջ 700 միավոր զինտեխնիկա, ավելի քան 500 հրթիռային և հրետանային համակարգ, շուրջ 40 ինքնաթիռ և 50 ուղղաթիռ... Читать дальше...
Սեպտեմբերի 6-ին` ժամը 01:45-ի սահմաններում, ՊԲ հյուսիսային ուղղությամբ տեղակայված զորամասերից մեկի պահպանության տեղամասի մարտական հենակետում տեղի ունեցած արտակարգ պատահարի արդյունքում մահացել է ՊԲ զինծառայող, 1996թ. ծնված Նարեկ Արտյոմի Հարությունյանը: «Դեպքի մանրամասները պարզելու համար կատարվում է քննություն», - տեղեկացնում է ԼՂ ՊՆ մամուլի ծառայությունը:
Լեռնային Ղարաբաղի պաշտպանության նախարարությունը հաղորդագրություն է տարածել, որում, մասնավորապես, ասվում է․ - «Առաջնային գծում ադրբեջանական զինուժի կողմից ձեռնարկվող սադրիչ գործողությունների հաճախականությունը և այդ ընթացքում կիրառվող զինատեսակների քանակական ու որակական աճի դինամիկան փաստում է, որ Բաքուն, հանձինս իր ռազմաքաղաքական ղեկավարության, որդեգրել է իրավիճակը պատերազմականին մոտեցնելու հանցավոր մարտավարություն»: «Վերջին շրջանում հակամարտ զորքերի շփման գոտում տեղ գտնող զարգացումներն ու դրանց... Читать дальше...
Սեպտեմբերի 5-ին Վարդենիս-Մարտունի ավտոճանապարհին տեղի ունեցած պատահարի հետևանքով երեք մարդ է մահացել: ՀՀ տարածքային կառավարման և արտակարգ իրավիճակների նախարարության տարածած հաղորդագրության համաձայն, Վարդենիս-Մարտունի ավտոճանապարհի մոտ 12-րդ կմ-ում «Մերսեդես C220» մակնիշի 86 ՏՍ 776 պետհամարանիշի ավտոմեքենան դուրս է եկել ավտոճանապարհի երթևեկելի հատվածից և բախվել ծառին: «ՃՏՊ-ի հետևանքով վարորդ՝ 1985 թ. ծնված Ս. Գ.-ը, ուղևորներ` 1987 թ. ծնված Հ. Մ.-ը, 1977 թ. ծնված Գ. Ս.-ը և 1977 թ. ծնված Գ. Վ.-ը... Читать дальше...