Кейінгі он жылда Қазақстанда су тасымаған жыл болған емес. Әр жолы жүздеген үйді қарғын су шайып, мыңдаған адам әбігерге түседі. Азаттық 2014 жылдан бері елде болған су тасқандарын шолып шықты.
Қазақстанда кейінгі бірнеше күн су тасқыны қатты сезіліп жатқан өңірдің бірі – Атырау облысы. Мұнда Жылыой ауданының орталығы Құлсары қаласы түгелге жуық су астында қалған. Жайық өзенінде су деңгейінің көтерілуіне байланысты Атырау қаласының тұрғындары да қатты алаңдап отыр.
Қазақстанның он облысында су тасқынына байланысты төтенше жағдай жарияланып, мыңдаған адам эвакуацияланды. Мал мен жан шығыны бар. Биылғы апатқа не себеп?
Су министрлігі Қазақстанның бес өңіріндегі бөгендер 95-100 пайызға толып тұр деп хабарлады. Су астында қалған аудандар күн сайын көбейіп барады. Қазақстан бойынша қазіргі ахуал қандай?
- Қазақстанда су тасқыны күшейіп барады. Он облыста төтенше жағдай жарияланған. Елдің батыс өңірінде ахуал күрделі. Атырау облысының Құлсары қаласы түгелге жуық су астында қалды. - Қазақстанның барлық өңірін әбігерге салған тасқын су қайдан келді? Жылдағы тасқыннан биылғы судың қандай айырмашылығы бар? - Президент Қасым-Жомарт Тоқаевтың сөзінше биылғы тасқын Қазақстанда 80 жылдан бері болмаған апат. Азаттық соңғы 10 жылдағы тасқындарды шолып шықты.
Ресми дерек бойынша, Атырау облысы Жылыой ауданында тасқын қаупіне байланысты 28,5 мыңнан астам адам эвакуацияланған. Аудан орталығы Құлсары қаласынан кейінгі үш күнде 18 мыңнан астам адам қауіпсіз жерге көшірілген. Қалада 2600 жеке үй мен әкімшілік ғимарат суда қалған.
Қаза тапқан, хабарсыз кеткен адамдар, эвакуацияланған мыңдаған тұрғын, тұтасымен суда қалған елді мекендер, суға кеткен сансыз үй жануары мен қыруар шығын – Қазақстанда биыл көктемде халықты әбігерге салған және әлі де жалғасып жатқан тасқынның зардабы осындай. Оның алдын алуға болар ма еді? Азаттық осы сұраққа жауап іздеп көрді.
