(Казан, 19 июль, «Татар-информ»). Башкортстан Республикасы Милли музеенда «Чыганаклар. Иделдә туганнар» дигән күргәзмә ачылды. Бу хакта «Башинформ» агентлыгы хәбәр итә. «Чыганаклар. Иделдә туганнар» дигән күргәзмәдә бүгенге көндә Идел буе федераль округына кергән шәһәрләр һәм җирлекләрнең (Уфа, Казан, Саратов, Ульяновск, Воткинск, Алабуга, Царевококшайск, Тольяти, Киров, Майна, Оса, Оренбург, Пенза, Пермь, Саранск, Сызрань) борынгы фото, картина һәм гравюралардагы 26 рәсеме тәкъдим ителгән. Экспозиция Россия Федерациясендәге илледән артык музейның ресурслары җәлеп ителгән зур проектның дәвамы булып тора.
