Министрлар Кабинеты ташламалы ипотеканы базарныкы белән берләштерергә рөхсәт итте
Россия Хөкүмәте ташламалы ипотеканы базарныкы белән берләштерергә рөхсәт итте, ул кредит лимитларын 15-30 миллион сумга кадәр арттырырга мөмкинлек бирәчәк, дип хәбәр итә ТАСС агентлыгы Россия вице-премьеры Марат Хөснуллин сүзләрен.
«Әгәр элек кредитка 12 миллион сум алырга, ә калган сумманы беренчел взнос итеп кертергә мөмкин булса, хәзер сатып алучыларның мөмкинлекләре киңәйтелә», – дип аңлатты Россия Хөкүмәте Рәисе урынбасары.
Кичә Россия Премьер-министры Михаил Мишустин ташламалы ипотека буенча ставканы 12 проценттан 9 процентка кадәр киметү турында карар имзалавы турында «Татар-информ» хәбәр иткән иде инде. Мондый тәкъдим белән элегрәк Россия Президенты Владимир Путин чыгыш ясады.