Коронавирус йоктыручылар саны 2022 елның беренче атнасында 19 процентка кимегән
(Казан, 11 гыйнвар, «Татар-информ»). Яңа елның беренче атнасында коронавирус белән авыручылар саны Россия Федерациясендә якынча 19 процентка кимеде, дип белдерде Россия Кулланучы хокукларын яклау һәм кеше иминлеге өлкәсендә күзәтчелек федераль хезмәте башлыгы Анна Попова. Бу хакта РИА Новости хәбәр итә.
«Агымдагы елның беренче атнасы нәтиҗәләре буенча илдә ковидның 112 мең 6 очрагы теркәлгән. Бу күрсәткеч 100 мең кешегә 76,33 очрак тәшкил итә, ул исә узган елның финал атнасына караганда 19,4 процентка кимрәк», — диде Попова Россия Федерациясе Хөкүмәте каршындагы ковид белән көрәш буенча Координация советы президиумы утырышында.