Җырчының тормыш иптәше Артур Шабакаевка махсус операциягә чакыру килгән, дип язган идек инде. Менә бүген Иркә якынын «солдатка» озаткан.
«Озаттык... Я Раббым, исән-имин әйләнеп кайтсын һәр киткән ир-атларыбыз...
Әйтеп-аңлатып булмаган хисләр күңелдә...
Артур, без сине көтәбез», – дип язган җырчы социаль челтәрдә һәм хәрби комиссариат төбендә ире белән басып төшкән фотосурәтен куйган.
Җырчының виртуаль дуслары бертавыштан Артурга һәм калган барлык ир-атларыбызга исән-сау әйләнеп кайтуларын теләгәннәр. Амин.
Фото: Иркәнең шәхси аккаунтыннан
