Украина Ресеймен теңіз шекарасы туралы заңдар дайындап жатыр
Бұған дейін Украина президенті Петр Порошенко Азов теңізіндегі ахуалға байланысты Ресейге қарсы санкцияларды күшейтуге шақырған. Оның сөзінше, Қырым түбегіне Керчь бұғазы арқылы апаратын көпір құрылысын аяқтағаннан кейін Ресей украиналық және халықаралық кеме қатынасына бөгет жасай бастаған.
"Қырым оккупациясынан кейін енді Азов теңізін оккупациялау жүріп жатыр. БҰҰ-ның теңіз құқығы жөніндегі Конвенциясына сәйкес, ондай дөрекі іс-әрекеттерді заңсыз деп танып, қабылдамау керек. Олар қатаң жауапты, соның ішінде санкциялар мен өзге де шараларды қажет етеді", - деген Порошенко.