Казан янында коточкыч авария: «Газель» белән фура бәрелешкән
Бүген иртән Казан янында М7 трассасында Мамадыш трактына борылыш күперендә «Газель» һәм йөк машинасы бәрелешә. Бу турыда «Татар-информ» хәбәр итте.
Аврияне шаһитлар видеога төшереп алган.
Татарстан буенча Эчке эшләр министрлыгы белешмәсе буенча, «Газель» Казан ягыннан Чаллыга таба бара, каршы як полосага чыга һәм фурага бәрелә.
«Газель» йөртүчесе урында ук үлә, Аның пассажирын һәм фура йөртүчесен хастаханәгә илткәннәр.