Татарстан Конституция судының беренче рәисе Сәйфихан Нәфиевка истәлек тактасы ачылды
(Казан, 23 декабрь, "Татар-информ"). Бүген Казанда, Конституция суды бинасы янында Сәйфихан Хәбибулла улы Нәфиевка истәлек тактасы ачу тантанасы булды. Чарада Татарстан Республикасы Президенты Рөстәм Миңнеханов катнашты, дип хәбәр итте Президентның матбугат хезмәте.
Сәйфихан Хәбибулла улы Нәфиев республика Конституция судының беренче рәисе булды. 1992-2000 елларда ул Татарстан прокуратурасын җитәкли.
Татарстан Республикасы Президенты Рөстәм Миңнеханов Сәйфихан Нәфиевның Татарстан Республикасы Конституция судын булдыруга керткән зур өлешен билгеләп үтте.
Үзенең эшчәнлегенең беренче көннәреннән үк Конституция суды законның өстенлеген тәэмин итүгә, кеше һәм гражданның төп хокукларын һәм ирекләрен яклауга юнәлдерелгән иде, дип ассызыклады Рөстәм Миңнеханов. Сәйфихан Нәфиевка мемориаль такта – үз эшенә фидакарьләрчә бирелгән, Татарстан Республикасы юристларының берничә буынын тәрбияләгән атаклы профессионалга чын күңелдән рәхмәт белдерү билгесе, диелә хәбәрдә.
Татарстан Республикасы Прокуроры Илдус Нәфыйков билгеләп үткәнчә, бүген мөһим сәбәп – игелекле һәм мәңгелек хәтер билгесе итеп танылган юрист, Татарстан Республикасы Конституция судының беренче рәисе Сәйфихан Нәфиевка мемориаль такта ачыла. Быел Нәфиевның тууына 80 ел тулу да билгеләп үтелде.
Аннары ТР Конституция суды бинасында кунаклар һәм чакырылган кунаклар Сәйфихан Нәфиевка багышланган экспозиция белән таныштылар.
ТР Конституция суды рәисе Фәрхәт Хөснетдинов Сәйфихан Нәфиевның хезмәт кенәгәсен улы Г.С. Нәфиевка тапшырды, диелә хәбәрдә.